Trigj nom Enhault

No daut Unjamenu gonen

No de Enhaultslist gonen

Jehova siene Zeijen

Plautdietsch

Wäa deit vondoag dän Dach Jehova sienen Wellen?

 KAPITEL 2

Wuarom nan wie ons Jehova siene Zeijen?

Wuarom nan wie ons Jehova siene Zeijen?

Noah

Abraham un Sara

Moses

Jesus Christus

Väl Menschen jleewen, daut Jehova siene Zeijen noch mau korz oppjekomen sent. Oba mea aus 2 700 Joa trigj worden dän woaren Gott siene Deena aul sien “Bewies”, ooda siene Zeijen jenant (Jesaja 43:10-12). Bat aune 1931 kjanden se ons aus de Bibelforscha. Wuahäa nan wie ons nu dan Jehova siene Zeijen?

Dis Nomen wiest, wäa ons Gott es. Gott sien Nomen Jehova wia en de oole Schreften von de Bibel dusende Mol bennen. En väl Bibeläwasatungen haben se disen Nomen rutjenomen un enne Städ daut doa biejlikj “HAR” ooda “Gott” nenjeschräwen. Oba de woara Gott leet Moses daut weeten, daut sien Nomen Jehova wia, un säd uk: “Dit es mien Nomen opp emma” (2. Mose 3:15). Soo muak hee daut dietlich, wäa hee wia un woont de faulsche Jetta wieren. Fa ons es daut waut besondret, Gott sienen heiljen Nomen to droagen.

Dis Nomen wiest, waut onse Veauntwuatunk es. De ieeschta, waut von sienen Gloowen aun Jehova Zeichnis jeef, wia de trua Abel. Lota wieren doa noch väl aundre, soo aus Noah, Abraham, Sara, Moses un David, waut uk to de groote Grupp jehieeden, waut von äaren Gloowen Zeichnis jeewen (Hebräa 11:4 bat 12:1). Krakjt soo aus een Zeij verem Jerecht fa wäm ensteit, waut oschuldich es, soo moak wie de Woarheit von onsen Gott bekaunt.

Dis Nomen wiest, daut wie Jesus nodoonen. De Schreft sajcht, daut Jesus “met sien Zeichnis tru un woarhauftich es” (Openboarunk 3:14). Jesus säd selfst, daut hee Gott sienen Nomen bekauntmuak un “fa de Woarheit enstonen” deed (Johanes 17:26; 18:37). Jesus jeef aulsoo Zeichnis. Doawäajen motten Jesus siene Nofolja uk Zeijen fa Jehova sennen un sienen Nomen bekauntmoaken. Krakjt daut proowen Jehova siene Zeijen to doonen.

  • Wuarom nan wie ons Jehova siene Zeijen?

  • Von wanea haft Jehova aul Zeijen oppe Ieed jehaut?

  • Wäa es de väaschta Zeij von Jehova?