Trigj nom Enhault

No daut Unjamenu gonen

No de Enhaultslist gonen

Jehova siene Zeijen

Plautdietsch

Wäa deit vondoag dän Dach Jehova sienen Wellen?

 KAPITEL 15

Waut es de Eltestasch äare Oppgow enne Vesaumlunk?

Waut es de Eltestasch äare Oppgow enne Vesaumlunk?

Finnlaunt

Lieren

Em jeisteljen halpen

Prädjen

De ieeschte Christen hauden nich Jemeentenleidasch, waut betolt kjrieejen, un wie haben daut uk nich. Soone Mana, waut doa Hoads “äwa Gott siene Jemeent” woaren, motten daut nokomen, waut de Schreft von Oppsechta velangt (Aposteljeschicht 20:28). De Eltestasch sent Mana, waut em Gloowen stoakj sent. Dee stonen de Vesaumlunk väa un sorjen fa dee, “nich jedwungen, . . . [oba] jieren, nich ut Jewennsucht, oba leeftolich, aus een Deenst fa dän Harn” (1. Petrus 5:1-3). Waut doonen dee aules fa ons?

Dee kjemren sikj om ons un jäwen ons Schutz. De Eltestasch leiden de Vesaumlunk un seenen doano, daut dee em jeisteljen stoakj blift. Dee weeten, see haben äare Oppgow von Gott jekjräajen, un doawäajen harschen dee nich äwa Gott siene Häad, oba seenen doano, daut aule daut goot jeit un äare Freid nich velieren (2. Korinta 1:24). Krakjt soo aus een gooda Hoad sikj om jieda eenselnet Schop kjemmat, soo proowen de Eltestasch, aulem von de Vesaumlunk kjanen to lieren (Spricha 27:23).

Dee lieren ons, Gott sienen Wellen to doonen. De Eltestasch leiden jieda Wäakj de Toopkomes, om de Vesaumlunk em Gloowen to stoakjen (Aposteljeschicht 15:32). Dise true Mana gonen em Prädichtwoakj veropp, schaufen em Deenst met ons toop un wiesen ons, woo wie opp veschiedne Wäaj prädjen kjennen.

Dee jäwen ons Moot. De Eltestasch seenen doano, waut jiedrem eenen em jeisteljen fält. Dee komen no ons ooda räden em Vesaumlungshus met ons, om ons met de Schreft to halpen un to treesten (Jakobus 5:14-15).

Buta daut, waut dee fa de Vesaumlunk doonen, motten de mieeschte Eltestasch uk noch schaufen un sikj om äare Famielje kjemren. Dise Breeda haben daut sea drock un vedeenen daut, daut wie dee achten (1. Tessalonicha 5:12-13).

  • Waut es de Eltestasch äare Oppgow?

  • Woo wiesen de Eltestasch, daut see om ons bekjemmat sent?

Noch mea doaräwa

WAUT FOAKEN JEFROACHT WOAT

Woo sent de Vesaumlungen von Jehova siene Zeijen oppjestalt?

Hia kaust du läsen, woo wie biblische Aunwiesungen un Rot kjrieen un woo onse Vesaumlungen oppjestalt sent.

WAUT LIEET DE SCHREFT WERKJLICH?

De Doop un dien Läwen fa Gott

Waut mott eena doonen, ea eena sikj kaun deepen loten? Läs, waut de Doop bediet, un woo eena jedeept saul.