Trigj nom Enhault

No daut Unjamenu gonen

No de Enhaultslist gonen

Jehova siene Zeijen

Plautdietsch

Wäa deit vondoag dän Dach Jehova sienen Wellen?

 KAPITEL 26

Woo kjenn wie ons Vesaumlungshus en Ordninj hoolen?

Woo kjenn wie ons Vesaumlungshus en Ordninj hoolen?

Estlaunt

Simbabwe

Mongolei

Puerto Rico

Aun jieda Vesaumlungshus von Jehova siene Zeijen es Gott sien heilja Nomen. Doawäajen näm wie daut iernst, daut Vesaumlungshus rein un en Ordninj to hoolen. Dise Oabeit es waut sea besondret un jehieet to onsen Deenst fa Gott. Aule kjennen doa methalpen.

No de Toopkomes halpen reinmoaken. No jieda Toopkomen halpen de Breeda un Sestren wellich, daut Vesaumlungshus een bät to besorjen. Un eemol de Wäakj woat daut jescheit reinjemoakt. Een Eltesta ooda Deenstaumthelpa kjemmat sikj doarom, daut de Oabeit jedonen woat, un daut jeft uk eene List, wua bowen steit, waut doa aules mott reinjemoakt. Biejlikj doonen de Breeda un Sestren utfäajen, Flua wauschen, de wieekje Flua reinmoaken, Stoff aufweschen, Steela trajchtstalen, de Zekjreets utreinjen, Fenstren un Spieejels aufweschen, Melldoosen ladich moaken un buten aules reinmoaken. Oppet weinichste woat daut Vesaumlungshus eemol daut Joa utem Grunt reinjemoakt. Un wan wie de Kjinja loten methalpen, dan lia wie dee, daut de Städ, wua Jehova aunjebät woat, sea besonda es (Liera 4:17).

Halpen, wan doa waut fält to repäaren. Jieda Joa woat daut Vesaumlungshus von buten un von bennen sea unjasocht, om to seenen, aus doa irjentwaut fält opptofiksen ooda bäta to moaken. Soo blift daut fein foadich, un daut jeft lota nich onneedje Onkosten (2. Chronik 24:13; 34:10). De Städ, wua wie onsen Gott aunbäden, saul rein un en Ordninj sennen. Wan wie methalpen, daut Vesaumlungshus to unjahoolen, dan wies wie, daut daut fa ons väl wieet es un daut wie Jehova leewen (Psalm 122:1). Un daut woat uk de Menschen doa rom oppfaulen (2. Korinta 6:3).

  • Wuarom sell wie daut nich vesiemen, ons Vesaumlungshus to unjahoolen?

  • Waut woat doa jedonen, om daut Vesaumlungshus rein to hoolen?

Noch mea doaräwa

TOOPKOMES

Woo es daut bie Jehova siene Zeijen äare Toopkomes?

Hia kaust du seenen, woo daut bie onse Toopkomes es.