Trigj nom Enhault

No daut Unjamenu gonen

No de Enhaultslist gonen

Jehova siene Zeijen

Plautdietsch

Wäa deit vondoag dän Dach Jehova sienen Wellen?

 KAPITEL 19

Wäa es “de trua, weisa Kjnajcht”?

Wäa es “de trua, weisa Kjnajcht”?

Daut jeistelje Äten kjemt ons aula togood

Een Stootje ver sienen Doot unjahilt Jesus sikj met siene Jinja Petrus, Jakobus, Johanes un Andreas äwa de latste Tiet un äwa daut Tieekjen, wan hee ieescht wudd jekomen sennen. Dan stald hee eene Froag, waut väl to bedieden haud: “Wäa es de trua, weisa Kjnajcht, dän sien Har äwa sien Hushault jesat haft, an to rajchte Tiet äten to jäwen?” (Matäus 24:3, 45; Markus 13:3-4). Jesus es de Har, un hee leet siene Jinja weeten, daut hee wäm wudd aunstalen, waut siene Nofolja en de latste Tiet wudd met jeisteljet Äten vesorjen. Wäa wudd daut sennen?

Daut es eene kjliene Grupp von Jesus siene jesaulwde Nofolja. Dise kjliene Grupp jesaulwde Breeda es de Väastaunt von Jehova siene Zeijen. Dis Kjnajcht vesorcht siene Gloowesbreeda met daut, waut dee nu em jeisteljen fält. Onen disen truen Kjnajcht wudd wie nich kjennen “to rajchte Tiet . . . Äten” kjrieen (Lukas 12:42).

Dee es äwa Gott sienen Hushault aunjestalt (1. Timotäus 3:15). Jesus jeef disen Kjnajcht de groote Veauntwuatunk, sikj hia oppe Ieed om aules to kjemren, waut met Gott sien Volkj to doonen haft, biejlikj de Jeltsachen, daut Prädichtwoakj oppe gaunze Welt un daut, waut en de Vesaumlungen jelieet woat. “De trua, weisa Kjnajcht” jeft ons emma to rajchte Tiet daut jeistelje Äten, waut wie brucken. Daut deit dee derch Bieekja un aundret, waut wie em Deenst brucken kjennen, un uk derch Toopkomes un Kongressen.

De Kjnajcht es tru, wiels dee sikj aun de Woarheit von de Bibel helt un siene Veauntwuatunk nokjemt, de goode Norecht to prädjen. Dee es uk weis, wiels dee sikj goot om aul daut kjemmat, waut Christus dän hia oppe Ieed äwajäft haft (Aposteljeschicht 10:42). Jehova säajent daut, waut dee deit. Daut es doaraun to seenen, daut Gott sien Volkj emma jrata woat un äwajenuach jeisteljet Äten haft (Jesaja 60:22; 65:13).

  • Wäm haft Jesus aunjestalt, fa siene Nofolja em jeisteljen to sorjen?

  • Wuarom es de Kjnajcht tru un weis?