Trigj nom Enhault

No daut Unjamenu gonen

No de Enhaultslist gonen

Jehova siene Zeijen

Plautdietsch

Wäa deit vondoag dän Dach Jehova sienen Wellen?

 KAPITEL 22

Waut woat en de Offizen von Jehova siene Zeijen jedonen?

Waut woat en de Offizen von Jehova siene Zeijen jedonen?

Salomon-Inslen

Kanada

Siedafrika

De Breeda un Sestren em Betel schaufen en veschiedne Aufdeelungen, om daut Prädichtwoakj en een Launt ooda miere Lenda to unjastetten. Doa woat biejlikj äwasat, en de Drekjarie jeschauft, Bieekja woaren jemoakt un oppbewoat, daut dee lota kjennen veschekjt woaren. Dee doonen uk oppschnaken, Videos moaken un waut doa sest noch fält.

Een Kommitee kjemmat sikj om daut Woakj. De Väastaunt stalt äwa jieda Offiz een Kommitee aun. Doatoo jehieren oppet weinichste dree erfoarne Eltestasch, waut sikj met dise Sach vestonen. Jieda Kommitee lat dän Väastaunt weeten, woo daut Woakj en daut Launt ooda de Lenda wiedakjemt, wuaräwa see aunjestalt sent, un waut fa Trubbels doa kunnen oppkomen. Daut halpt dän Väastaunt to weeten, waut en de Bieekja, de Toopkomes un de Kongressen derchjenomen saul. Aule jewesse Tiet woaren Veträda vom Väastaunt no de Offizen jeschekjt, om dee to besieekjen un daut Kommitee fa äare Oabeit Rot to jäwen (Spricha 11:14). De Veträda von de Hauptoffiz helt dan bie een besondret Toopkomen uk noch eene Räd, waut aulem en daut Launt ooda de Lenda Moot jäwen saul.

Aule Vesaumlungen woaren unjastett. De veauntwuatelje Breeda en de Offiz entscheiden, aus daut wua kaun eene niee Vesaumlunk jäwen. Dee seenen uk no de Pionieren, Missionoaren un Kjreisoppsechta un kjemren sikj doarom, daut daut Kongressen jeft, daut Vesaumlungshiesa jebut woaren un daut Bieekja no de Vesaumlungen jeschekjt woaren. Aules, waut en de Offizen jedonen woat, halpt met, daut daut Prädichtwoakj kaun fein derchjefieet woaren (1. Korinta 14:33, 40).

  • Woo unjastett jieda Kommitee dän Väastaunt?

  • Waut woat en de Offizen jedonen?