Trigj nom Enhault

No daut Unjamenu gonen

No de Enhaultslist gonen

Jehova siene Zeijen

Plautdietsch

Wäa deit vondoag dän Dach Jehova sienen Wellen?

 KAPITEL 6

Wuarom kom wie met onse Gloowesbreeda toop?

Wuarom kom wie met onse Gloowesbreeda toop?

Madagaskar

Norweegen

Libanon

Italien

Wie foaren räajelmässich no de christelje Toopkomes, wan wie uk lang reisen motten ooda wan de Wäaj stoffich ooda blottich sent. Wuarom näm wie daut soo iernst, ons met onse Gloowesbreeda to vesaumlen? Wuarom doo wie daut mau rajcht dan, wan wie meed von de Oabeit no Hus komen ooda sest Trubbels haben?

Daut es goot fa ons. De Apostel Paulus räd doavon, daut wie ons vesaumlen sullen. Hee säd: “Well wie toophoolen” (Hebräa 10:24). Daut wie daut doonen kjennen, mott wie ons unjarenaunda kjanen lieren un om dän Näakjsten bekjemmat sennen. Wan wie aundre von de Vesaumlunk kjanen lieren, dan woa wie en, waut fa Trubbels dee haben un woo dee doamet foadich woaren. Daut halpt ons, met onse ieejne Trubbels omtogonen.

Wie finjen woare Frind. Dee, waut en onse Toopkomes sent, sent nich bloos Bekaunde, oba woare Frind. Wie jleichen daut uk, to aundre Tieden met dee toop to sennen. Wuahäa es daut toom gooden? Soo räakjen wie ons unjarenaunda emma mea un feelen ons vebungen. Un wan wie dan seenen, daut onse Frind Trubbel haben, sent wie fuaz reed, dee to halpen (Spricha 17:17). Doaderch, daut wie met aule von de Vesaumlunk toop sent, wies wie, daut wie “eena fa dän aundren sorjen” (1. Korinta 12:25-26).

Mank Jehova siene Zeijen finjt eena Frind, waut Gott sienen Wellen doonen. Lot die doa nich von aufhoolen, no onse Toopkomes to komen.

  • Wuarom es daut toom gooden, wan eena no de Toopkomes foat?

  • Wanea wurscht du jleichen, onse Vesaumlunk kjanen to lieren?