Dankscheen, daut du die Tiet jenomen hast, dit Heft derchtogonen. Soo hast du Jehova siene Zeijen, dee äa Woakj un dee äare Organisazion kunt bäta kjanen lieren. Wie hopen, daut die dit eene Help jewast es to seenen, wäa vondoag dän Dach Jehova sienen Wellen deit. Wie roden die too, wieda von Gott to lieren, räajelmässich no onse Toopkomes to komen un diene Frind un Frintschoft von daut to vetalen, waut du lieescht (Hebräa 10:23-25).

Je mea du äwa Jehova lieescht, je dolla woascht du moakjen, woo väl hee die räakjent. Daut woat die bat doa brinjen, daut du am uk wiesen west, woo sea du am leefst (1. Johanes 4:8-10, 19). Woo kaust du daut en dien Läwen wiesen? Wuarom es die daut toom gooden, soo to läwen aus Gott daut haben well? Waut woat die halpen, met ons toop Gott sienen Wellen to doonen? Dien Bibelliera wudd die wellich halpen, de Auntwuaten fa dise Froagen to finjen, soo daut du met diene Famielje toop kaust “en Gott siene Leew” bliewen met de Hopninj opp eewjet Läwen (Judas 21).

Wie wenschen ons von Hoaten, daut du wieda muchst opp dän Wajch von de Woarheit gonen. Doatoo wudd daut goot sennen, daut Buak “Blieft en Gott siene Leew” to studieren.