Trigj nom Enhault

No daut Unjamenu gonen

No de Enhaultslist gonen

Jehova siene Zeijen

Plautdietsch

Wäa deit vondoag dän Dach Jehova sienen Wellen?

 KAPITEL 20

Woo schauft de Väastaunt vondoag dän Dach?

Woo schauft de Väastaunt vondoag dän Dach?

De Väastaunt von de ieeschte Christen

Een Breef vom Väastaunt woat väajeläst

En daut 1. Joahundat wieren “de Apostel un Eltestasch en Jerusalem” aus Väastaunt aunjestalt (Aposteljeschicht 15:2). Daut wia eene kjliene Grupp Mana, waut wichtje Sachen fa aule Vesaumlungen von de jesaulwde Christen entscheiden deeden. Dee unjasochten Gott sien Wuat, leeten sikj von Gott sienen Jeist leiden un deeden dan aulatoop entscheiden (Aposteljeschicht 15:25). Krakjt soo deit de Väastaunt daut vondoag dän Dach uk.

Derch dän fieet Gott sienen Wellen ut. De jesaulwde Breeda vom Väastaunt unjasieekjen iernstlich Gott sien Wuat un haben väl Erfoarunk met jeistelje Sachen un uk woo ons Woakj derchjefieet saul. Dee komen jieda Wäakj toop, om to seenen, waut de Breeda en de veschiedne Lenda brucken. Un soo aus en daut 1. Joahundat jeft de Väastaunt vondoag dän Dach uk biblische Aunwiesungen derch Breew, reisende Oppsechta un derch aundre Breeda. Daut halpt sea, daut daut mank Gott siene Deena nich Spoolungen jeft, oba daut dee en Eenichkjeit toopschaufen (Aposteljeschicht 16:4-5). De Väastaunt sitt doano, daut doa jeisteljet Äten reedjemoakt woat, daut daut Prädichtwoakj fein wiedakjemt un daut Breeda fa besondre Oppgowen aunjestalt woaren.

Dee lat sikj von Gott sienen Jeist leiden. De Väastaunt lat sikj von Jehova, dän hechsten Harscha, leiden un uk von Jesus, daut Haupt von de Christenvesaumlunk (1. Korinta 11:3; Efeesa 5:23). Dee jleewen nich, daut see de Wieets äwa Gott sien Volkj sent. Toop met aul de aundre jesaulwde Christen gonen dee “daut Laum [Jesus] hinjaraun, wuaemma daut hanjeit” (Openboarunk 14:4). Fa dän Väastaunt es daut väl wieet, wan wie fa an bäden.

  • Wäa wia bie de ieeschte Christen de Väastaunt?

  • Woo lat de Väastaunt sikj vondoag dän Dach von Gott leiden?