Trigj nom Enhault

No daut Unjamenu gonen

No de Enhaultslist gonen

Jehova siene Zeijen

Plautdietsch

Wäa deit vondoag dän Dach Jehova sienen Wellen?

 KAPITEL 12

Woo woat ons Prädichtwoakj derchjefieet?

Woo woat ons Prädichtwoakj derchjefieet?

Spaunien

Belarus

Hong-Kong

Peru

Nich lang ver sienen Doot säd Jesus: “Daut Evangelium [ooda de goode Norecht] von Gott sien Rikj woat en de gaunze Welt jeprädicht woaren, soo daut aule Velkja daut hieren, un dan woat daut Enj komen” (Matäus 24:14). Oba woo es daut mäajlich, oppe gaunze Welt to prädjen? Bloos wan daut soo jedonen woat, aus Jesus daut deed (Lukas 8:1).

Wie gonen no de Menschen äa Tus. Jesus lieed siene Jinja, woo see de goode Norecht von Hus to Hus prädjen sullen (Matäus 10:11-13; Aposteljeschicht 5:42; 20:20). An wort uk jesajcht, opp woone Städen see daut krakjt doonen sullen (Matäus 10:5-6). Vondoag dän Dach es ons Prädichtwoakj uk goot jeplont, un jieda Vesaumlunk haft äare Städen, wua see prädjen. Soo kjenn wie jrintlich Zeichnis jäwen un Jesus sien Jeboot nokomen, “de Menschen to prädjen” (Aposteljeschicht 10:42).

Wie räden aulawäajen met de Menschen. Jesus deed de Menschen uk aundatwäajen prädjen, biejlikj aune Kaunt Mäa ooda biem Borm, wua aule Wota holden (Markus 4:1; Johanes 4:5-15). Wie proowen uk, aulawäajen met aundre von de Schreft to räden, biejlikj oppe Gaussen, bie de Jeschafta, oppem Park ooda äwa Fon. Wie räden uk met onse Nobasch, Oabeitspoatna, Schoolpoatna ooda met ons Frintschoft von onsen Gloowen, wan daut sest paussent es. Derch aul dit kjennen millionende Menschen oppe gaunze Welt de goode Norecht hieren, “woo . . . [Gott] raden deit” (Psalm 96:2).

Wäm wurscht du mol jleichen von de goode Norecht von Gott sien Kjennichrikj to vetalen un von daut, waut daut fa ons doonen woat? Hool daut nich bloos fa die selfst. Siem nich, aundre doavon to vetalen.

  • Waut vonne goode Norecht mott bekauntjemoakt woaren?

  • Woo deed Jesus prädjen? Woo doonen Jehova siene Zeijen Jesus no?

Noch mea doaräwa

VIDEOS

Jehova siene Zeijen: Organisieet, de goode Norecht bekaunttomoaken

Jehova siene Zeijen sent doafäa bekaunt, daut see de Menschen aulawäajen halpen, de Schreft bäta to vestonen. Woo woat dit Woakj jedonen un wäa betolt daut?