Trigj nom Enhault

No daut Unjamenu gonen

No de Enhaultslist gonen

Jehova siene Zeijen

Plautdietsch

Wäa deit vondoag dän Dach Jehova sienen Wellen?

 KAPITEL 13

Waut es een Pionia?

Waut es een Pionia?

Kanada

Von Hus to Hus prädjen

Bie een Bibelstudium

Fa sikj selfst studieren

Daut Wuat “Pionia” woat jeweenlich fa eenen jebrukt, waut veroppjeit un eenen Wajch opmoakt, wua aundre dan kjennen hinjaraunkomen. Jesus wia soo to sajen uk een Pionia, wiels hee no de Ieed jeschekjt wort, om to deenen un dän Wajch optomoaken, waut no de Radunk fieet (Matäus 20:28). Jesus siene Nofolja brucken vondoag dän Dach uk soo väl Tiet aus mäajlich, om de Menschen to lieren (Matäus 28:19-20). Un eenje haben sikj daut kunt soo enrechten, daut see haben kunt met dän Pioniadeenst aunfangen, soo aus wie daut nanen.

Een Pionia brukt siene gaunze Tiet toom prädjen. Aule von Jehova siene Zeijen prädjen de goode Norecht. Oba eenje von dee haben äa Läwen soo jeplont, daut see kjennen Pionia sennen un 70 Stund de Moonat prädjen. Aundre woaren aus Sondapionia no Städen jeschekjt, wua doa toom prädjen mea Help fält. Dee prädjen 130 Stund de Moonat ooda mea. De Pionieren sent met daut tofräd, waut see toom läwen brucken, un veloten sikj opp Jehova siene Help (Matäus 6:31-33; 1. Timotäus 6:6-8). Dee, waut nich Pionia sent, kjennen sikj aus Pioniahelpa aunjäwen, wan see de Mäajlichkjeit haben, en eene Moonat 30 ooda 50 Stund to prädjen.

Een Pionia fieet sienen Deenst derch, wiels dee Gott un de Menschen leeft. Krakjt soo aus Jesus see wie, daut de Menschen em jeisteljen hungren (Markus 6:34). Un daut, waut wie ut de Schreft jelieet haben, kaun de Menschen nu aul un uk fa lota eene Help sennen. Ut Leew fa dän Näakjsten brucken de Pionieren äare Tiet un Krauft wellich toom aundre lieren (Matäus 22:39; 1. Tessalonicha 2:8). Soo woat de Pionieren äa Gloowen stoakja, dee komen Gott emma noda un kjennen väl scheenet beläwen (Aposteljeschicht 20:35).

  • Waut es een Pionia?

  • Wuarom sent eenje Pionia?