Trigj nom Enhault

No daut Unjamenu gonen

No de Enhaultslist gonen

Jehova siene Zeijen

Plautdietsch

Wäa deit vondoag dän Dach Jehova sienen Wellen?

 KAPITEL 16

Waut es de Deenstaumthelpa äare Oppgow en de Vesaumlunk?

Waut es de Deenstaumthelpa äare Oppgow en de Vesaumlunk?

Myanmar

Eene Rädoppgow

Een Toopkomen fa dän Prädichtdeenst

Daut Vesaumlungshus unjahoolen

En de Schreft rät daut von twee Gruppen Mana, waut sikj om de Vesaumlunk kjemren: “Jemeentenleida [Eltestasch] un Diakonen [Deenstaumthelpa]” (Filippa 1:1). Soone aus dise Breeda jeft daut jeweenlich miere enne Vesaumlunk. Waut es de Deenstaumthelpa äare Oppgow?

Dee unjastetten de Eltestasch. De Deenstaumthelpa sent junge uk elre Breeda, waut flietich, jeistlich jesonnen un opp to veloten sent. Dee doonen väl Oabeit, waut en de Vesaumlunk jedonen mott, soo daut de Eltestasch äare Oppgow aus Hoads un Liera bäta nokomen kjennen.

Dee halpen de Vesaumlunk. Eenje Deenstaumthelpa haben de Oppgow, bie de Toopkomes aule fein opptonämen, waut doa hankomen. Aundre schaufen met daut Lautspieker-Jereetschoft, doonen Bieekja utdeelen, kjemren sikj om de Kauss von de Vesaumlunk un om daut Jebiet, wua jeprädicht saul. Dee doonen uk methalpen, daut Vesaumlungshus to unjahoolen. Un eenjemol froagen de Eltestasch dee uk, aus see de elre Breeda un Sestren met waut halpen kjennen. Wautemma dee fa eene Oppgow kjrieen, dee doonen daut wellich, un doawäajen sent dee fa aulem väl wieet (1. Timotäus 3:13).

Dee sent een goodet Väabilt. Daut eena kaun Deenstaumthelpa woaren, mott eena jeistlich sennen. De Rädoppgowen, waut de Deenstaumthelpa en de Toopkomes haben, stoakjen onsen Gloowen, un doaderch daut dee em Prädichtdeenst sea metmoaken, halpen dee ons, ons bastet to jäwen. Dee schaufen fein met de Eltestasch toop un soo halpen dee met, daut daut en de Vesaumlunk Freid un Eenichkjeit jeft (Efeesa 4:16). Un met de Tiet kjennen dee veleicht uk Eltestasch woaren.

  • Woo sent de Deenstaumthelpa?

  • Woo halpen dee met, daut en de Vesaumlunk aules jlei rant?