Trigj nom Enhault

No de Enhaultslist gonen

 KAPITEL 27

Woo kaun de Bibliotäkj em Vesaumlungshus ons togood komen?

Woo kaun de Bibliotäkj em Vesaumlungshus ons togood komen?

Israel

Tschechische Republikj

Benin

Cayman-Inslen

Wurscht du jleichen, mea ut de Schreft to lieren? West du mea äwa eenen jewessen Bibelvarsch, eene biblische Persoon, eene Städ ooda eene Sach weeten, wua de Schreft von rät? Ooda west du weeten, woo de Schreft die bie Trubbels halpen kaun? Dan kaust du mol no de Bibliotäkj em Vesaumlungshus gonen.

Doa jeft daut Help toom nosieekjen. Veleicht hast du nich aule biblische Bieekja von Jehova siene Zeijen, waut daut opp diene Sproak jeft. Oba en de Bibliotäkj em Vesaumlungshus jeft daut de mieeschte Bieekja, waut de latste Joaren rutjekomen sent. Jeweenlich sent doa uk veschiedne Bibeläwasatungen, een feinet Wieedbuak un aundre Bieekja toom nosieekjen. De Bibliotäkj kaun eena ver de Toopkomes brucken uk no dee. Wan doa een Komputa es, dan es doa veleicht de Watchtower Library bowen. Daut es een Komputa-Program, wua een deel von onse Bieekja bennen sent un wua eena sikj leicht Wieed, Bibelvarzh ooda sest Sachen nosieekjen kaun.

Daut es eene Help toom sikj fa de School fa Läwen un Deenst reedmoaken. Du kaust de Bibliotäkj brucken, om die fa diene Oppgowen reedtomoaken. De Oppsechta von de School fa Läwen un Deenst kjemmat sikj om de Bibliotäkj un sitt doano, daut doa von de nieste Bieekja sent un daut aules fein enjerecht es. Dis Oppsechta ooda dee, waut met die de Bibel studieet, kaun die wiesen, woo eena no waut sieekjen kaun. No de Bieekja saul oppjepaust; eena saul sikj dee nich metnämen ooda doa waut nenschriewen.

De Schreft sajcht, wan wie wellen “Gotteserkjantnis finjen”, dan mott wie doano romforschen “aus no eenen vestoaknen Schauz” (Spricha 2:1-5). De Bibliotäkj em Vesaumlungshus es eene feine Städ, om doamet auntofangen.

  • Waut jeft daut en de Bibliotäkj em Vesaumlungshus?

  • Wäa kaun eenem wiesen, woo eena de Bibliotäkj brucken kaun?