Trigj nom Enhault

No daut Unjamenu gonen

No de Enhaultslist gonen

Jehova siene Zeijen

Plautdietsch

“Blieft en Gott siene Leew”

Een Breef vom Väastaunt

Een Breef vom Väastaunt

Aun junt aula, dee jie Jehova leewen:

Jesus säd: “Dan woa jie weeten waut Woarheit es, un de Woarheit woat junt frie moaken” (Johanes 8:32). Moakt ons daut nich Moot? Wan dise Welt uk voll Läajes es un daut Läwen en de “latste Doag” emma schwanda woat, kjenn wie doch de Woarheit finjen (2. Timotäus 3:1). Denkjt die daut noch, woo daut wia, aus du de Woarheit ut de Schreft kjanen lieezhd? Wia daut nich waut gaunz besondret fa die?

Daut es needich, daut wie de Woarheit kjanen un aundre pinkjlich doavon vetalen. Oba krakjt soo needich es daut, daut wie selfst doano läwen. Daut kjenn wie, wan wie en Gott siene Leew bliewen. Woo es daut mäajlich? Dän latsten Owent ver sienen Doot säd Jesus to siene true Apostel: “Wan jie miene Jebooten hoolen, soo woa jie en miene Leew bliewen, jrodsoo aus ekj mienen Voda siene Jebooten jehoolen hab un en siene Leew bliew” (Johanes 15:10, “Friesenbibel”).

Jesus bleef en Gott siene Leew, wiels hee Gott siene Jebooten hilt. Krakjt soo sell wie daut uk doonen. Daut wie en Gott siene Leew bliewen kjennen, mott wie jieda Dach no de Woarheit läwen. Dänselwjen Owent säd Jesus uk noch: “Wan jie dit nu weeten, dan sent jie seelich, wan jie daut uk doonen” (Johanes 13:17).

Wie wenschen ons von Hoaten, daut dit Buak die halpen mucht, uk fa wieda no de Woarheit to läwen un en Gott siene Leew to bliewen met de Hopninj opp eewjet Läwen (Judas 21).

Väastaunt von Jehova siene Zeijen