Trigj nom Enhault

No daut Unjamenu gonen

Jehova siene Zeijen

Plautdietsch

Waut es Gott sien Rikj?

Waut es Gott sien Rikj?

Wurscht du sajen, . . .

  • daut es waut en ons Hoat?

  • daut es de eewje Seelichkjeit?

  • daut es eene Rejierunk em Himmel?

 WAUT DE SCHREFT SAJCHT

“Gott em Himmel [woat] een eewjet Rikj oppstalen. Kjeena woat daut jeemols äwamajchtjen” (Daniel 2:44, De Plautdietsche Bibel).

“Wie haben eenen Sän jekjräajen, un hee haft daut Rajcht to rejieren” (Jesaja 9:5).

WAUT FA EENEN NUTZEN HAFT DAUT FA DIE?

  • Daut es eene jerajchte Rejierunk, waut ons aula togood komen kaun (Jesaja 48:17-18).

  • En de niee Welt woaren aule jesunt un tofräd läwen kjennen (Openboarunk 21:3-4).

 WUAROM KJENN WIE ONS OPP DE SCHREFT VELOTEN?

Daut jeft oppet weinichste twee Jrind:

  • Jesus wees, waut Gott sien Rikj doonen woat. Hee lieed siene Nofolja bäden, daut Gott sien Rikj komen sull un daut dän sien Wellen hia oppe Ieed sull jedonen woaren (Matäus 6:9-10). Un Jesus wees uk, woo sikj dit Jebäd erfellen woat.

    Aus Jesus oppe Ieed wia, jeef hee Menschen to äten, heeld Kranke un wuak soogoa eenje vom Doot opp (Matäus 15:29-38; Johanes 11:38-44). Jesus wia aus Kjennich bestemt un hee wees de Menschen, woo väl goodet Gott sien Rikj noch mol brinjen wudd (Openboarunk 11:15).

  • Waut vondoag en de Welt passieet, wiest, daut Gott sien Rikj boolt komen woat. Jesus säd verut, woo daut en dise Welt sennen wudd, kort ea Gott sien Rikj oppe Ieed wudd fa Fräd sorjen. Daut wudd väl Kjrich, Hungaschnoot un Ieedbäben jäwen (Matäus 24:3, 7).

    Krakjt daut kjenn wie vondoag beoobachten. Doawäajen kjenn wie ons doaropp veloten, daut Gott sien Rikj boolt met aul dise Trubbels een Enj moaken woat.

 ÄWALAJ MOL

Woo woat daut Läwen unja de Harschoft von Gott sien Rikj sennen?

De Auntwuat es en de Schreft to finjen, en PSALM 37:29 un JESAJA 65:21-23.

Noch mea doaräwa

EENE GOODE NORECHT VON GOTT

Waut haft Gott sikj met de Ieed väajenomen?

De Bibel sajcht ons, wuarom Gott de Ieed jemoakt haft, wanea aulet lieden een Enj nämen woat un waut noch mol met de Ieed un met de Menschen passieren woat.