Trigj nom Enhault

No daut Unjamenu gonen

No de Enhaultslist gonen

Jehova siene Zeijen

Plautdietsch

Woo de Ehe un Famielje kaun schaftich sennen

 1. POAT

Gott sien Rot fa eenen gooden Ehestaunt

Gott sien Rot fa eenen gooden Ehestaunt

“Dee, dee de Menschen jemoakt haft, [muak] een Maun un eene Fru” (Matäus 19:4)

Jehova * Gott muak dän Aunfank met dän Ehestaunt. De Schreft sajcht, daut hee de ieeschte Fru muak un dee no Adam brocht. Adam jinkj daut soo scheen, daut hee säd: “Dit es Knoaken von mienen Knoaken, un Fleesch von mien Fleesch” (1. Mose 2:22-23). Jehova well, daut de Ehelied daut vondoag dän Dach uk saul scheen gonen.

Wan eena sikj befriet, dan denkjt eena veleicht, aules woat bloos seet sennen. Oba rajcht jesajcht woaren uk soone Lied, waut sikj opp iernst leewen, noch mol Trubbel haben (1. Korinta 7:28). En dit Heft jeft daut Rot ut de Schreft, waut junt halpen kaun, eenen gooden Ehestaunt un eene schaftje Famielje to haben (Psalm 19:9-12).

 1 DOO DIEN POAT EM EHESTAUNT

WAUT DE SCHREFT SAJCHT: De Ehemaun es daut Haupt von de Famielje (Efeesa 5:23).

Wan du een Ehemaun best, dan wenscht Jehova sikj, daut du leeftolich om diene Fru bekjemmat best (1. Petrus 3:7). Jehova haft dee jemoakt, daut jie fein toopschaufen kjennen, un hee well, daut du ar wieetachten deist un met Leew behaundelst (1. Mose 2:18). Du saust ar soo sea leewen, daut du daut ieeschte doarom todoonen best, waut ar fält (Efeesa 5:25-29).

Wan du eene Ehefru best, dan wenscht Jehova sikj, daut du dienen Maun achten deist un dän halpst, sien Poat enne Famielje notokomen (1. Korinta 11:3; Efeesa 5:33). Unjastett dän, wan dee waut entscheiden deit, un sie wellich, met dän tooptoschaufen (Kolossa 3:18). Soo woascht du fa Jehova un fa dienen Ehemaun väl wieet sennen (1. Petrus 3:1-6).

WAUT JIE DOONEN KJENNEN:

  • Froag dienen Ehepoatna, waut du en de Ehe bäta moaken kaust. Hia goot too, waut dee sajcht, un proow daut dan to doonen

  • Sie jeduldich. Daut brukt Tiet ruttofinjen, waut de aundra brukt, daut dän daut scheen jeit

2 DENKJ DOARAUN, WAUT DIEN EHEPOATNA FEELT

WAUT DE SCHREFT SAJCHT: Kjikj doano, waut fa dienen Ehepoatna goot es (Filippa 2:3-4). Behaundel dän fein un denkj doaraun: Jehova well, daut siene Deena “to aulemaun frintlich bliewen” (2. Timotäus 2:24). Pauss opp, woo du rätst, wiels de Schreft sajcht: “Onväasechtje Wieed spekjen aus een Schwieet, oba de Weise räden heelsome Wieed” (Spricha 12:18). Jehova sien Jeist kaun die halpen, frintlich un leeftolich to räden (Galata 5:22-23; Kolossa 4:6).

WAUT JIE DOONEN KJENNEN:

  • Ea du met dienen Poatna äwa waut iernstet rätst, froag Jehova no Help, soo daut du kaust ruich bliewen un fa daut op sennen, waut de aundra sajcht

  • Denkj doa goot äwa no, waut du sajen west un woo du daut sajen west

 3 SCHAUFT TOOP

WAUT DE SCHREFT SAJCHT: Wan du die befriest, dan woascht du met dienen Ehepoatna “eent woaren” (Matäus 19:5). Oba jie sent doawäajen twee Menschen, waut eenjemol veschiedne Meenungen haben. Doawäajen mott jie lieren, emma dolla soo to denkjen un to feelen aus de aundra (Filippa 2:2). Eenichkjeit es bie Entscheidungen onbedinjt needich. De Schreft sajcht, eena saul “gooden Rot sieekjen”, wan daut saul fein utkomen (Spricha 20:18). Wan jie aulsoo äwa iernste Sachen to kloaren haben, dan doot daut toop un recht junt doabie no de Schreft (Spricha 8:32-33).

WAUT JIE DOONEN KJENNEN:

  • Rät nich bloos äwa jeweenelje Sachen; rät uk doaräwa, woo jie junt ennalich feelen

  • Ea du wua waut berätst, räd met dienen Ehepoatna doaräwa

^ Varsch 4 Jehova es no de Schreft no Gott sien Nomen.