Trigj nom Enhault

No daut Unjamenu gonen

No de Enhaultslist gonen

Jehova siene Zeijen

Plautdietsch

Eene goode Norecht von Gott

 5. POAT

Waut haft Gott sikj met de Ieed väajenomen?

Waut haft Gott sikj met de Ieed väajenomen?

1. Wuarom haft Gott de Ieed jemoakt?

Jehova muak de Ieed, daut de Menschen kjennen doabowen wonen. De ieeschte beid Menschen, Adam un Eva, sullen nich em Himmel läwen. Doatoo haud Gott aul väle Enjel jemoakt (Hiob 38:4, 7). Jehova sad dän ieeschten Mensch en een wundascheenet Paradies nenn. Daut wia de Goaden Eden (1. Mose 2:15-17). Hee un siene Nokomen hauden kunt fa emma oppe Ieed läwen. Läs Psalm 37:29; 115:16.

To jane Tiet wia bloos de Goaden Eden een Paradies. Adam un Eva sullen Kjinja haben un sikj äwa de Ieed vemieren. Met de Tiet sullen dee de gaunze Ieed to een Paradies moaken (1. Mose 1:28). De Ieed woat fa emma bestonen bliewen. Dee woat emma de Menschen äa Tus sennen. Läs Psalm 104:5.

2. Wuarom es de Ieed vondoag nich een Paradies?

Adam un Eva wieren Gott ojjehuarsom un musten ut dän Goaden Eden rut. Soo vespälden see daut Paradies un kjeen Mensch haft daut wada kunt trigjstalen. De Schreft sajcht: “De Ieed es en de Macht von schlajchte Menschen” (Hiob 9:24). Läs 1. Mose 3:23-24.

Haft Jehova sien Väanämen met de Ieed jeendat? Nä, hee haft nich. Hee es aulmajchtich un helt emma Wuat (Jesaja 45:18). Hee woat doano seenen, daut de Menschen noch mol soo läwen kjennen, aus hee sikj daut väajenomen haft. Läs Psalm 37:11, 34.

3. Woo woat daut wada een Paradies jäwen?

Gott woat doafäa sorjen, daut de Ieed unja Jesus siene Harschoft een Paradies woat. En dän Kjrich, waut Harmagedon heet, woat Jesus toop met Gott siene Enjel aul dee äwatsied schaufen, waut sikj jäajen Gott stalen. Dan woat Jesus  dän Soton fa 1 000 Joa bemoaken. Gott sien Volkj woat äwaläwen, wiels Jesus an beschitzen un leiden woat. Dee kjennen dan fa emma em Paradies läwen. Läs Openboarunk 20:1-3; 21:3-4.

4. Wanea woat daut lieden mol een Enj haben?

Wanea woat Gott met aul daut schlajchte een Enj moaken? Jesus räd von een Tieekjen, waut wiesen wudd, daut daut Enj dicht bie wia. Soo, aus daut nu en de Welt dreit, es de gaunze Menschheit en Jefoa, un daut wiest uk, “daut dise Tiet aufschluten woat.” Läs Matäus 24:3, 7-14, 21-22.

En de 1 000 Joa, wan Jesus aus Kjennich vom Himmel äwa de Ieed rejieet, woat aulet lieden opphieren (Jesaja 9:5-6; 11:9). Jesus es uk de Huaga Priesta un woat de Sindenschult von dee strikjen, waut Gott leewen. Soo woat Gott derch Jesus doafäa sorjen, daut daut kjeene Krankheiten mea jeft un daut de Menschen nich mea oolt woaren ooda stoawen. Läs Jesaja 25:8; 33:24.

5. Wäa woat kjennen em Paradies läwen?

Em Vesaumlungshus von Jehova siene Zeijen finjt eena Menschen, waut Gott leewen un am jefaulen wellen

Wäa Gott jehuarsom es, kaun em Paradies läwen (1. Johanes 2:17). Jesus haft siene Nofolja de Oppgow jejäft, deemootje Menschen to sieekjen un an to lieren, woo see Gott jefaulen kjennen. Jehova moakt nu aul millionende Menschen reed, daut see kjennen em Paradies oppe Ieed läwen (Zefanja 2:3). Em Vesaumlungshus von Jehova siene Zeijen lieren Menschen biejlikj, woo see kjennen feine Ehelied un Elren sennen. Doa bäden Elren un Kjinja toop Jehova aun un lieren, woo an de goode Norecht togood komen kaun. Läs Micha 4:1-4.

 

Noch mea doaräwa

WAUT LIEET DE SCHREFT WERKJLICH?

Waut haft Gott sikj met de Ieed väajenomen?

Woat daut noch mol een Paradies oppe Ieed jäwen, soo aus Gott sikj daut väajenomen haft? Wan jo, wanea?