Trigj nom Enhault

No daut Unjamenu gonen

No de Enhaultslist gonen

Jehova siene Zeijen

Plautdietsch

Eene goode Norecht von Gott

 8. POAT

Wuarom lat Gott too, daut daut soo väl lieden un beeset jeft?

Wuarom lat Gott too, daut daut soo väl lieden un beeset jeft?

1. Von wua kjemt aul daut schlajchte häa?

En de Tiet, wua Gott de Menschen aul rejieren lat, haft sikj jewäsen, daut dee de Trubbels nich äwatsied schaufen kjennen

Daut schlajchte kjeem opp, aus de Soton aunfunk to lieejen. Ieeschtlich wia daut een gooda Enjel, oba hee “bleef nich enne Woarheit” (Johanes 8:44, Reimerbibel). Hee leet sikj waut jankren, waut bloos Gott tookjeem. Hee wull, daut see am aunbäden. Soo luach hee Eva väa un brocht dee bat doa, am to jehorchen enne Städ Gott. Un uk Adam wort ojjehuarsom. Soo funk daut lieden un de Doot aun. Läs 1. Mose 3:1-6, 19.

Aus de Fient Eva veleid, stald hee sikj jäajen Gott, dän hechsten Harscha. Von doa aun haben de mieeschte Menschen Gott siene Harschoft uk aufjewäsen un haben sikj doaderch opp dän Fient siene Sied jestalt. Soo kjeem daut, daut de Soton “äwa dise Welt rejieet”. Läs Johanes 14:30; 1. Johanes 5:19.

2. Wia Gott sien Woakj fälahauft?

Aules, waut Gott jemoakt haft, es onen Fäla. De Menschen un de Enjel, waut hee muak, hauden am goot kunt jehorchen (5. Mose 32:4-5). Oba Gott jeft ons de Frieheit, selfst to entscheiden, waut wie doonen wellen. Un wan wie daut rajchte doonen, kjenn wie wiesen, daut wie am leewen. Läs Jakobus 1:13-15; 1. Johanes 5:3.

3. Wuarom lat Gott too, daut Menschen lieden?

Jehova lat too, daut siene Harschoft fa eene jewesse Tiet aufjewäsen woat. Wuarom? Hee well, daut daut kloa woat, woo schlajcht daut utkjemt, wan de Menschen sikj selfst rejieren (Liera  7:29; Jesaja 29:16). Un nu, no äwa 6 000 Joa, haft sikj daut kloa utjewäsen. Kjeen menschelja Harscha haft kunt een Enj moaken met Kjrich, Vebräakjen, Ojjerajchtichkjeit ooda Krankheiten. Läs Liera 4:1; 2. Mose 9:16.

Gott siene Harschoft oba es aul dee toom gooden, waut dee aunnämen (Jesaja 48:17-18). Boolt woat Jehova aule menschelje Rejierungen oppriemen. Dan woaren oppe Ieed bloos noch dee läwen, waut Gott siene Rejierunk unjastetten (Jesaja 11:9). Läs Daniel 2:44.

4. Woo kjemt ons Gott siene Jedult togood?

De beesa Fient jeef väa, daut kjeena Gott ut Leew deenen wudd. Oba doaderch, daut Gott soo jeduldich es, hab wie de Jeläajenheit to bewiesen, daut daut nich soo es. Aun ons Läwen es to seenen, wäm wie toom Harscha haben wellen: Gott ooda de Menschen. Läs Hiob 1:8-12; Spricha 27:11.

5. Woo kjenn wie ons opp Gott siene Sied stalen?

Aun daut, waut wie doonen, es to seenen, aus wie ons opp Gott siene Sied stalen

Doatoo mott wie ut de Schreft lieren, waut Gott von ons velangt, un dan uk doano gonen (Johanes 4:23). Wie wiesen dän Fient siene Harschoft trigj, wan wie soo aus Jesus nich deelnämen aun de Politikj (Rejierungssachen) ooda aum Kjrich. Läs Johanes 17:14.

De Fient deit, waut dee kaun, daut de Menschen een orreinet ooda schlajchtet Läwen fieren. Wäa daut nich deit, woat veleicht vespott ooda kjricht Trubbel (1. Petrus 4:3-4). Opp wäms Sied woascht du die stalen? Woascht du Gott siene weise un leeftolje Jesazen nokomen? Woascht du die Frind sieekjen, waut Gott leewen? Wan jo, kaust du bewiesen, daut de Soton jeloagen haud, aus dee säd, kjeena wudd Gott deenen, wan daut schwoa wia. Läs 1. Korinta 6:9-10; 15:33.

Wie kjennen ons doaropp veloten, daut Gott met daut schlajchte un met aules, waut ons toosat, een Enj moaken woat, wiels hee ons leeft. Wäa bewiest, daut dee aun dit jleeft, woat fa emma oppe Ieed läwen kjennen. Läs Johanes 3:16.

 

Noch mea doaräwa

WAUT LIEET DE SCHREFT WERKJLICH?

Wuarom lat Gott too, daut Menschen lieden motten?

Väle denkjen, Gott es fa aul daut lieden oppe Ieed veauntwuatlich. Waut denkjst du? Läs hia, waut Gott sajcht, wuarom wie lieden.