Trigj nom Enhault

No daut Unjamenu gonen

No de Enhaultslist gonen

Jehova siene Zeijen

Plautdietsch

Eene goode Norecht von Gott

 1. POAT

Waut es de goode Norecht?

Waut es de goode Norecht?

1. Waut fa eene goode Norecht haft Gott fa ons?

Gott well, daut ons daut scheen jeit. Hee haft de Ieed un aulet aundre jemoakt, wiels hee ons väl räakjent. Boolt woat hee doano seenen, daut de Menschen daut aulawäajen bäta jeit un daut dee nich mea lieden brucken. Läs Jeremia 29:11.

Noch kjeene Rejierunk haft met Grausomkjeit, Krankheiten ooda dän Doot kunt een Enj moaken. Oba daut jeft eene goode Norecht. Boolt woat Gott doafäa oppkomen, daut siene Rejierunk harschen woat enne Städ Menschen äare. Dan woaren aule en Fräd läwen un jesunt sennen. Läs Jesaja 25:8; 33:24; Daniel 2:44.

2. Wuarom es de goode Norecht fa ons vondoag soo wichtich?

Daut lieden woat mau dan opphieren, wan Gott de schlajchte Menschen äwatsied schauft (Zefanja 2:3). Wanea woat dee daut doonen? En de Schreft wia verutjesajcht, waut aules passieren wudd, jroz ea Gott aules trajchtstalen wudd. Soo aus daut vondoag enne Welt toojeit, bewiest, daut daut dicht bie es. Läs 2. Timotäus 3:1-5.

3. Waut wudd wie sellen doonen?

Wie sellen Gott kjanen lieren. Daut kjenn wie derch de Schreft. Dee es soo aus een Breef von eenen leeftoljen Voda. Doabennen steit, woo eenem daut nu aul kaun bäta gonen un woo eena noch mol eewich oppe Ieed läwen kaun. Secha woaren eenje daut nich jleichen, daut du de Schreft deepa studieren west. Oba sust du die doawäajen aul daut scheene derchgonen loten, waut Gott ons vesprakjt? Läs Spricha 29:25; Openboarunk 14:6-7.

Noch mea doaräwa

BIBELSTUDIUM

Wuarom loont sikj daut, de Bibel studieren?

De Bibel haft aul millionende Menschen jeholpen. Dee kaun die uk halpen!