Trigj nom Enhault

No daut Unjamenu gonen

No de Enhaultslist gonen

Jehova siene Zeijen

Plautdietsch

Eene goode Norecht von Gott

 15. POAT

Wuarom sull eena nich opphieren, äwa Jehova to lieren?

Wuarom sull eena nich opphieren, äwa Jehova to lieren?

1. Woo kaun eenem daut halpen, wieda de Bibel to studieren?

Nu, daut du eenje biblische Gruntlieren bäta vestonen kaust, es diene Leew fa Jehova secha jrata jeworden. Oba du motst doano seenen, daut dee uk wieda waust (1. Petrus 2:2). Eena kaun mau dan fa emma läwen, wan eena Gott emma noda kjemt. Doatoo mott eena dän sien Wuat studieren. Läs Johanes 17:3; Judas 21.

Je mea wie äwa Gott lieren, je stoakja woat ons Gloowen. Un de Gloowen halpt ons, Gott to jefaulen (Hebräa 11:1, 6). Dee brinjt ons doatoo, daut ons onse Sinden leet sent un daut wie een bätret Läwen aunfangen wellen. Läs Aposteljeschicht 3:19.

2. Woo wudd eena aundre kjennen halpen?

Eena kaun sikj emma dolla met Jehova vebungen feelen

Secha west du aundre vetalen, waut du jelieet hast. Wie aula jleichen daut, äwa goode Norechten to räden. Je wieda eena de Schreft kjanen lieet, je bäta kaun eena dee brucken, om aundre von Jehova un von de goode Norecht to vetalen. Läs Reema 10:13-15.

Ieescht mol kaun eena veleicht met Frind ooda Vewaunte räden. Oba daut saul emma leeftolich jedonen. Enne Städ dee eefach to sajen, daut äa Gloowen faulsch es, wudd daut bäta sennen, an to vetalen, waut Gott vesproaken haft. Denkj uk doaraun, daut aundre foaken dolla doano kjikjen, waut eena deit, aus waut eena sajcht. Läs 2. Timotäus 2:24-25.

3. Waut fa eene Jeläajenheit steit die op?

Wan du fa wieda Gott sien Wuat studieescht, woascht du em jeisteljen waussen un die met Jehova emma dolla vebungen feelen. Du kaust dan soogoa to dän siene Famielje jehieren. Läs 2. Korinta 6:18.

 4. Woo kaun eena wieda veraunkomen?

Eena kjemt em jeisteljen veraun, wan eena nich opphieet, Gott sien Wuat to studieren (Hebräa 5:13-14). Froag wäm von Jehova siene Zeijen, aus jie toop kjennen de Bibel studieren met daut Buak Waut lieet de Schreft werkjlich?. Je mea du ut de Schreft lieescht, je tofrädna woascht du die feelen. Läs Psalm 1:1-3; 73:27-28.

De goode Norecht en de Schreft kjemt von dän “jlekjeljen Gott”, Jehova (1. Timotäus 1:11, NW). Du woascht dän noch noda komen, wan du die met siene Deena vesaumelst (Hebräa 10:24-25). Wan du fa wieda deist, waut Jehova haben well, woascht du daut woare Läwen kjrieen, aulsoo daut eewje Läwen. Daut baste, waut du doonen kaust, es Gott noda komen. Läs 1. Timotäus 6:19.