Trigj nom Enhault

No daut Unjamenu gonen

No de Enhaultslist gonen

Jehova siene Zeijen

Plautdietsch

Eene goode Norecht von Gott

 3. POAT

Kjemt de goode Norecht opp iernst von Gott?

Kjemt de goode Norecht opp iernst von Gott?

1. Von wäm kjemt de Schreft?

De goode Norecht, daut Menschen fa emma oppe Ieed läwen kjennen, es en de Schreft to finjen (Psalm 37:29). De Schreft haft 66 Bibelbieekja, waut Gott von ojjefäa 40 true Mana oppschriewen leet. De ieeschte fief Bieekja schreef Moses soo bie 3 500 Joa trigj opp un daut latste schreef de Apostel Johanes mea aus 1 900 Joa trigj. Von wäm kjeem daut, waut de Bibelschriewa oppschreewen? Daut wieren Gott siene Jedanken, nich äare ieejne. Gott leet an dee derch sienen heiljen Jeist weeten (2. Samuel 23:2). De Schreft kjemt aulsoo von Jehova. Läs 2. Timotäus 3:16; 2. Petrus 1:20-21.

2. Wuarom kaun eena daut jleewen, waut de Schreft sajcht?

Wie weeten, daut de Schreft von Gott kjemt, wiels sikj daut emma erfelt, waut dee verutsajcht. Kjeen Mensch kaun soont volbrinjen (Josua 23:14). Bloos de aulmajchtja Gott weet, waut noch aules komen woat. Läs Jesaja 42:9; 46:10.

Een Buak von Gott mott besonda sennen, un krakjt daut es de Schreft. Von dee sent aul miere dusent Millionen opp hundade Sproaken vedeelt worden. Daut, waut de Schreft äwa de Natua sajcht, stemt met daut, waut de Forscha rutjefungen haben, uk wan daut soon oolet Buak es. Dee es von 40 Mana oppjeschräwen, oba waut doabennen steit, paust aules toop. * En de gaunze Schreft es Gott siene Leew to seenen. Dit Buak kaun uk vondoag noch Menschen äa Läwen  veendren. Wäajen aul dit sent millionende Menschen sikj gaunz secha, daut de Schreft werkjlich von Gott es. Läs 1. Tessalonicha 2:13.

3. Von waut haundelt de Schreft sikj?

De Schreft rät von de goode Norecht, daut Gott sikj fa de Menschen waut scheenet väajenomen haft. Dee sajcht uk, wuarom de ieeschte Menschen utem Paradies rut musten un waut Gott doonen woat, daut daut wada een Paradies oppe Ieed jeft. Läs Openboarunk 21:4-5.

En Gott sien Wuat finjt eena Jesazen uk gooden Rot. Doa steit uk bennen, woo Gott ieeschtemma met de Menschen omjinkj, un daut wiest ons, woo Gott werkjlich es. De Schreft kaun eenem halpen, Gott kjanen to lieren un sien Frint to sennen. Läs Psalm 19:8, 12; Jakobus 2:23; 4:8.

4. Waut kaun eenem halpen, de Schreft to vestonen?

Daut de Menschen Gott sien Wuat vestonen kunnen, brukt Jesus veschiedne Bibelvarzh un läd an dee ut. Soo woat daut uk en dit Heft jedonen, daut eena de Schreft bäta vestonen kaun. Läs Lukas 24:27, 45.

De goode Norecht von Gott es gaunz waut besondret. Oba eenje Menschen hoolen doa nuscht von un aundre woaren mau rajcht doll, wan eena to dee doavon rät. Lot die oba nich mootloos moaken. Daut eena eewich läwen kaun, mott eena Gott kjanen lieren. Läs Johanes 17:3.

 

^ Varsch 3 En daut Heft Ein Buch für alle Menschen jeit noch mea doaräwa notoläsen.