Trigj nom Enhault

No daut Unjamenu gonen

No de Enhaultslist gonen

Jehova siene Zeijen

Plautdietsch

Goode Lieren ut de Bibel

 KAPITEL 37

Jehova rät to Samuel

Jehova rät to Samuel

Dän Huagen Priesta Eli siene twee Junges Hofni un Pinhas wieren Priestasch bie daut Aunbädungszelt. Dee horchten nich no Jehova siene Jebooten un wieren sea domm to de Menschen. Wan de Israeliten fa Jehova een Opfa brochten, dan neemen Hofni un Pinhas daut baste Fleesch fa sikj. Eli hieed daut, waut siene Junges deeden, oba hee deed doa nuscht met. Wudd Jehova doa uk nuscht met doonen?

Samuel wia väl jinja aus Hofni un Pinhas, oba hee deed nich soont aus dee. Jehova freid sikj äwa Samuel. Eene Nacht aus Samuel schleep, hieed hee eene Stemm, waut sienen Nomen säd. Hee stunt opp un rand no Eli un säd: “Hia sie ekj!” Oba Eli säd: “Ekj roopt die nich. Go wada schlopen.” Samuel jinkj trigj no sien Bad. Krakjt dit wort noch eemol. Aus Samuel de Stemm toom dredde Mol hieed, wort Eli kloa, daut et Jehova wia, waut Samuel jeroopt haud. Eli säd to Samuel, wan hee de Stemm noch eemol hieed, dan sull hee sajen: “Räd, Jehova. Dien Deena horcht too.”

 

Samuel jinkj trigj nom Bad. Dan hieed hee: “Samuel! Samuel!” Hee auntwuad: “Räd, dien Deena horcht too.” Jehova säd to dän: “Saj to  Eli, ekj woa am strofen un siene Famielje uk. Eli weet, daut siene Junges en mien Aunbädungszelt schlajchtet doonen, oba hee deit doa nuscht met.” Zemorjes muak Samuel de Däaren bie daut Aunbädungszelt op, soo aus hee daut emma deed. Hee haud Angst, daut hee dän Huagen Priesta daut sajen sull, waut Jehova to am säd. Oba Eli roopt dän un fruach: “Samuel, waut säd Jehova to die? Saj mie daut aula.” Dan vetald Samuel dän aules.

Aus Samuel oppwoss, stunt Jehova dän uk emma bie. Jieda Israelit en daut gaunze Launt wist, daut Jehova Samuel toom Profeet un Rechta jemoakt haud.

“Hool em Denkj, wäa die jemoakt haft, uk wan du junk best” (Liera 12:1)

Noch mea doaräwa

WELL WIE BIBELSTUND HABEN

Samuel deed daut, waut rajcht wia

Woo kjenn wie uk soo sennen aus Samuel un daut rajchte doonen, uk wan aundre schlajchtet doonen?