Trigj nom Enhault

No daut Unjamenu gonen

No de Enhaultslist gonen

Jehova siene Zeijen

Plautdietsch

Goode Lieren ut de Bibel

 KAPITEL 103

“Lot dien Rikj komen”

“Lot dien Rikj komen”

Jehova haft vesproaken: “Met roaren, Weedoag, Krankheiten ooda Doot woat daut een Enj nämen. Ekj woa aule Tronen von de Uagen weschen. Aulet schlajchte, waut mol wia, woat vejäten woaren.”

Jehova wull, daut Adam un Eva em Goaden Eden schaftich un en Fräd läwen sullen. Dee sullen äaren himlischen Voda aunbäden un Kjinja haben, daut de Ieed voll wort. Adam un Eva wieren Jehova ojjehuarsom, oba waut Jehova sikj väajenomen haud, endad sikj nich. Dit Buak haft ons jewäsen, daut Gott aules deit, waut hee vesprakjt. Sien Kjennichrikj woat oppe Ieed väl Säajen brinjen, soo aus hee Abraham vespruak.

Dän Soton, de beese Jeista un aule schlajchte Menschen woat daut boolt nich mea jäwen. Aule woaren Jehova aunbäden. Wie woaren nich krank woaren ooda stoawen. Wie woaren jieda Dach  met Krauft un Moot oppstonen un schaftich sennen, daut wie läwen. De Ieed woat een Paradies woaren. Aule woaren scheen äten un een sechret Tus haben. De Menschen woaren leeftolich sennen un aundre nich tualeiden ooda weedoonen. De wille Tieren woaren nich Angst haben fa ons un wie uk nich fa dee.

Daut woat wundascheen sennen, wan Jehova de Menschen woat vom Doot oppwakjen. Dan woa wie dee von de oole Tiet bejäajnen, soo aus Abel, Noah, Abraham, Sara, Moses, Rut, Ester un David! Dee woaren met ons toop de Ieed to een Paradies moaken. Doa woat emma väl scheene Oabeit to doonen sennen.

Jehova well, daut du doa uk best. Du woascht dän soo kjanen lieren, aus du die kjeenmol wurscht jedocht haben. Well wie Jehova jieda Dach noda komen – nu aul un uk fa emma!

“Du best daut wieet, oo Har, Harlichkjeit un Iea un Krauft to nämen, wiels du aules jemoakt hast” (Openboarunk 4:11)

Noch mea doaräwa

EENE GOODE NORECHT VON GOTT

Waut es Gott sien Kjennichrikj?

Wäa es de Kjennich von Gott sien Rikj un waut woat Gott sien Kjennichrikj doonen?