Trigj nom Enhault

No daut Unjamenu gonen

No de Enhaultslist gonen

Jehova siene Zeijen

Plautdietsch

Goode Lieren ut de Bibel

 KAPITEL 76

Jesus reinicht dän Tempel

Jesus reinicht dän Tempel

Em Farjoa en daut Joa 30 jinkj Jesus no Jerusalem. Een deel Menschen wieren doa toom Passafast jekomen. Bie dit Fast worden em Tempel uk emma Tieren jeopfat. Eenje brochten sikj de Tieren met un aundre koften sikj dee en Jerusalem.

Aus Jesus nom Tempel kjeem, sach hee, daut de Menschen doa Tieren vekoften. En daut Hus, wua Jehova aunjebät wort, deeden dee fa sikj Jelt moaken! Waut deed Jesus doamet? Hee muak sikj eene Pitsch von Strenj un juach de Schop un daut Vee utem Tempel rut. Hee stelpt de Jeltwakjsla äare Deschen om un schedd dee äa Jelt ut. Jesus säd to dee, waut doa  Duwen vekoften: “Brinjt dit hia fuat! Moakt mienen Voda sien Hus nich to eenen Schachaplauz!”

De Menschen doa em Tempel wundaden sikj, waut Jesus deed. Siene Jinja dochten aun de Profezeiunk, waut von dän Messias säd: “Ekj woa fa Jehova sien Hus eene groote Leew feelen.”

En daut Joa 33 muak Jesus dän Tempel toom tweede Mol rein. Hee leet daut nich too, daut doa irjentwäa sienen Voda sien Hus fa jerinj tald.

“Jie kjennen nich Gott un daut Rikjtum tojlikj deenen” (Lukas 16:13)

Noch mea doaräwa

SIE JEHOVA SIEN FRINT

Jehova sien Hus es waut besondret

Woo kaun eena wiesen, daut eena Jehova sien Hus, wua am aunjebät woat, fa besonda talt?