Trigj nom Enhault

No daut Unjamenu gonen

No de Enhaultslist gonen

Jehova siene Zeijen

Plautdietsch

Goode Lieren ut de Bibel

 KAPITEL 60

Een Kjennichrikj, waut emma bliewen woat

Een Kjennichrikj, waut emma bliewen woat

Eene Nacht haud de Kjennich Nebukadnezar eenen butajeweeneljen Droom. Dee haud daut soo schwoa doamet, daut dee nich schlopen kunn. Dee leet siene Zaubra komen un säd to dee: “Sajcht mie, waut mien Droom bediet.” Dee säden: “Vetal ons dienen Droom, ons Kjennich.” Oba Nebukadnezar säd: “Nä! Sajcht jie mie, waut mie dreemd, sest moak ekj junt doot.” Dee säden wada to dän: “Saj ons dienen Droom un dan saj wie die de Bediedunk.” Hee säd: “Jie wellen mie bloos aula aunschmäaren. Sajcht mie, waut mie dreemd!” Dee säden to dän Kjennich: “Kjeen Mensch kaun soont doonen. Daut jeit nich mol!”

Nebukadnezar wia soo doll, daut dee velangd, daut aule weise Mana em Launt sullen dootjemoakt. Doa wieren uk Daniel, Schadrach, Meschach un Abed-Nego met en. Daniel fruach dän Kjennich, aus dee an wudd een bät Tiet loten. Hee un siene Frind bäden dan to Jehova un fruagen dän no Help. Waut deed Jehova dan?

Jehova wees Daniel en eene Vision Nebukadnezar sienen Droom uk waut dee bedied. Dän näakjsten Dach jinkj Daniel no dän Kjennich sienen Deena un säd: “Moak kjeenem von de weise Mana doot. Ekj kaun dän Kjennich sienen Droom utlajen.” De Deena brocht Daniel no Nebukadnezar. Daniel säd to dän Kjennich: “Gott haft die weeten loten, waut noch komen woat. Dien Droom wia: Du sachst eene groote Jestault met eenen Kopp von Golt, de Brost un Oarms von Selwa, de Buck un Hoften von Brons, de Been von Iesa un de Feet von Iesa un Leem jemischt. Dan wort een Steen von eenen Boajch loosjeschnäden un troff de Jestault aune Feet. De Jestault kjield to Pulwa un de Wint pust daut wajch. De Steen wort een groota Boajch un feld de Ieed.”

 Dan säd Daniel: “Dit es, waut dien Droom bediet: Dien Kjennichrikj es de Kopp von Golt. Daut Selwa es een Kjennichrikj, waut hinja die kjemt. Dan woat eent komen, waut soo es aus Brons, un daut woat äwa de gaunze Ieed rejieren. Daut näakjste Kjennichrikj woat soo stoakj sennen aus Iesa. Tolatst woat doa een jespooldet Kjennichrikj sennen, waut opp Städen soo stoakj es aus Iesa un opp Städen soo schwak aus Leem. De Steen, waut to eenen Boajch wort, es Gott sien Kjennichrikj. Daut woat aul dise Kjennichrikjs en Bieta bräakjen un daut woat opp emma bliewen.”

Nebukadnezar kjneed sikj ver Daniel met sien Jesecht bat oppe Ieed. Hee säd: “Dien Gott haft die disen Droom weeten loten. Kjeen aundra Gott es soo aus dee.” Enne Städ daut Nebukadnezar Daniel dootmuak, stald hee dän äwa aule weise Mana aun un muak dän toom Harscha äwa de Prowins von Babel. Es daut nich to seenen, daut Jehova no Daniel sien Jebäd horcht?

“See saumelden dee opp dän Plauz toop, dee opp hebräisch Harmagedon heet” (Openboarunk 16:16)

Noch mea doaräwa

GOODE LIEREN UT DE BIBEL

Een Kjennichrikj soo aus een groota Boom

Nebukadnezar sien Droom sajcht verut, waut met am woaren woat.