Trigj nom Enhault

No daut Unjamenu gonen

No de Enhaultslist gonen

Jehova siene Zeijen

Plautdietsch

Goode Lieren ut de Bibel

 KAPITEL 59

Vea Junges sent Jehova jehuarsom

Vea Junges sent Jehova jehuarsom

Aus Nebukadnezar de Leidasch von Juda no Babel brocht, sad hee Aschpenas, eenen Huachbeaumten, äwa dee. Nebukadnezar säd to Aschpenas, hee sull sikj de jesuntste un kjlieekjste Junges von mank dee utläsen. Dise junge Junges sullen se dree Joa utlieren, daut dee dan kunnen Huachbeaumte en Babel woaren. Dee musten lieren, de akadische Sproak to läsen, to schriewen un to räden, waut en Babel jerät wort. Dee sull uk soon Äten jejäft aus dän Kjennich un dee von sien Kjennichshus. Vea von dee Junges wieren Daniel, Hananja, Mischael un Asarja. Aschpenas jeef dee niee babelonische Nomes: Beltschazar, Schadrach, Meschach un Abed-Nego. Wudd dee daut von Jehova wajchbrinjen, waut see nu lieren musten?

 Dise vea Junges wieren sikj gaunz eenich, Jehova to jehorchen. Dee wisten, daut see nich soont äten kunnen aus de Kjennich, wäajen Jehova sien Jesaz daut aufsäd, von jewesse Tieren to äten. Dee säden to Aschpenas: “Toom Jefaulen jeff ons nich soon Äten, aus de Kjennich at.” Aschpenas säd to dee: “Wan jie daut nich äten un de Kjennich sitt, daut junt nich soo jesunt lat, dan moakt dee mie doot!”

Daniel foll waut bie un säd to äaren Woaka: “Jeff ons toom Jefaulen fa tieen Doag bloos Jreens un Wota. Dan vejlikj ons met de Junges, waut soon Äten kjrieen aus de Kjennich.” De Woaka deed daut.

Aus de tieen Doag om wieren, sach et Daniel un siene dree Frind jesunda aus aule aundre Junges. Jehova freid sikj, daut dee am wieren jehuarsom jewast. Hee jeef Daniel mau rajcht de Weisheit, daut dee Visionen un Dreem vestonen kunn.

Aus de Tiet toom utlieren äwa wia, brocht Aschpenas de Junges no Nebukadnezar. De Kjennich räd met dee un kunn seenen, daut Daniel, Hananja, Mischael un Asarja kjlieekja wieren un leichta waut bejriepen kunnen aus aule aundre Junges. Hee wäld sikj dise vea toom mank siene Aunjestalde schaufen. De Kjennich fruach dee foaken no Help, wan am bie eene groote Sach Rot fäld. Jehova jeef dee mea Weisheit, aus aul dän Kjennich siene weise Mana un Zaubra hauden.

Daniel, Hananja, Mischael un Asarja wieren en een framdet Launt, oba dee vegauten nich, daut see Jehova siene Deena wieren. Woascht du uk emma aun Jehova denkjen, endoont aus diene Elren doa sent ooda nich?

“Lot kjeenem opp die rauf kjikjen doawäajen, daut du noch junk best. Sie fa de jleewende een Väabilt em Wuat, em Waundel, en Leew, em Jeist, em Gloowen un en Reinheit” (1. Timotäus 4:12)

Noch mea doaräwa

GOODE LIEREN UT DE BIBEL

Dee bekjen sikj nich

Schadrach, Meschach un Abed-Nego loten sikj nich bemotten, de goldne Jestault auntobäden, waut de Kjennich von Babel jemoakt haft.

GOODE LIEREN UT DE BIBEL

Daniel manke Leiws

Bäd jieda Dach to Jehova, soo aus Daniel!