Storf Jesus aun een Kjriez?
Waut de Schreft doatoo sajcht
Väle talen daut Kjriez aus daut bekauntste Tieekjen fa Christen. De Bibel beschrift daut nich krakjt, met waut se Jesus dootmuaken. Doawäajen kaun daut kjeena gaunz neiw sajen, woo daut leet, met waut se daut deeden. Oba de Bibel haft Bewiest doafäa, daut Jesus nich aun een Kjriez storf oba aun eenen oppjerechten Pol.
De Bibel bruck jeweenlich daut griechische Wuat stauros, wan dee doavon rät, met waut se Jesus dootmuaken (Matäus 27:40; Johanes 19:17). Wan dit Wuat foaken uk met “Kjriez” äwasat woat, sent väle Jelieede sikj oba eenich, daut daut Wuat stauros hauptsechlich “oppjerechta Pol” a bediet. Een Buak toom nosieekjen sajcht äwa daut Wuat stauros: “Daut bediet kjeenmol twee Bieta Holt, waut opp irjent eene Wajch toopjemoakt sent” (A Critical Lexicon and Concordance to the English and Greek New Testament).
De Bibel bruck uk daut griechische Wuat xielon, waut enne Städ stauros sennen kaun (Aposteljeschicht 5:30; 1. Petrus 2:24). Dit Wuat bediet “Holt,” “Pol” ooda “Boom.” b The Companion Bible sajcht doatoo: “Daut jeft nuscht en daut Griechische von daut N[iee] T[astament], waut kunn auntovestonen jäwen, daut doa twee Bieta Holt met jemeent sent.”
Nemt Gott daut aun, wan wie daut Kjriez en onse Aunbädunk brucken?
Een crux simplex, de latienscha Nomen fa een Pol, wua de Vebräakja aunjenoagelt worden
Endoont, woo daut leet, met waut se Jesus dootmuaken, de Jrind un de Bibelvarzhen, waut nu komen, wiesen, daut wie daut Kjriez nich en onse Aunbädunk brucken sellen.
Gott wiest soone Aunbädunk auf, wua Bilda un Tieekjens jebrukt woaren, wua uk daut Kjriez met en es. Gott jeef de Israeliten daut Jeboot, daut see kjeen Tieekjen en äare Aunbädunk brucken sullen, “eendoont en waut vonne Form” daut wia (5. Mose 4:15-19, PB). Christen woat uk jesajcht: “Rant wajch von Aufjettarie” (1. Korinta 10:14).
De ieeschtemmasche Christen brukten nich daut Kjriez en äare Aunbädunk. c De Lieren un daut Biespel von de Apostel es daut, wua aule Christen sikj no rechten sellen (2. Tessalonicha 2:15).
Daut Kjriez enne Aunbädunk to brucken, kjemt vonne Heiden häa. d Hundade Joaren nodäm aus Jesus jestorwen wia un de Kjoakjen von siene Lieren aufjekomen wieren, hauden de niee Kjoakjen-Jläda “de Frieheit, äare heidnische Tieekjens un Bilda to hoolen”, wua uk daut Kjriez met en wia (The Expanded Vine’s Expository Dictionary of New Testament Words). Oba dauts gaunz jäajen de Bibel, heidnische Tieekjens auntonämen, soo daut doa mea Menschen sellen bie de Kjoakj biegonen (2. Korinta 6:17).
a See de New Bible Dictionary, Dredde Utgow, jewesset jeendat von D. R. W. Wood, Sied 245; Theological Dictionary of the New Testament, Buak VII, Sied 572; The International Standard Bible Encyclopedia, Derchjeseene Utgow, 1. Buak, Sied 825; un The Imperial Bible-Dictionary, Buak II, Sied 84.
b See The Expanded Vine’s Expository Dictionary of New Testament Words, Sied 1165; A Greek-English Lexicon, von Liddell un Scott, Näajende Utgow, Sied 1191-1192; un Theological Dictionary of the New Testament, Buak V, Sied 37.
c See de Encyclopædia Britannica 2003, bie daut Wuat “Kjriez”; The Cross—Its History and Symbolism, Sied 40; un The Companion Bible, Oxford University Press, Aunhank 162, Sied 186.
d See The Encyclopedia of Religion, Buak 4, Sied 165; The Encyclopedia Americana, Buak 8, Sied 246; un Symbols Around Us, Sied 205-207.
Veleicht jleichst du uk dit
WAUT FOAKEN JEFROACHT WOAT
Wuarom brucken Jehova siene Zeijen nich daut Kjriez?
Wan wie uk Christen sent, bruck wie doawäajen nich daut Kjriez. Wuarom nich?
WICHTJE BIBLISCHE LIEREN
Wuarom must Jesus stoawen?
Veleicht hast du mol jehieet, daut hee fa onse Sinden storf. Oba woo kaun eenen Mensch sien Läwen millionende Menschen togood komen?
BIBLISCHE LIEREN
Fang een Bibelstudium aun
Du kaust een Studium haben met dienen ieejnen Bibelliera un daut kost nuscht.