BIBELVARZHEN UTJELAJCHT
Markus 1:15 – “Daut Rikj Gottes es hia”
“De bestemde Tiet es bat hia un Gott sien Kjennichrikj es dicht bie. Habt een Leetsennen un jleeft aun de goode Norecht” (Markus 1:15, Niee-Welt-Äwasatunk).
“De Tiet es jekomen, un daut Rikj Gottes es hia. Kjieet om un jleeft aun daut Evangelium” (Markus 1:15, De Plautdietsche Bibel).
Waut bediet Markus 1:15?
Jesus Christus säd to de Menschen, daut Gott sien Kjennichrikj a aul “hia” ooda “dicht bie” jekomen wia, wäajen hee, aus de tookjinftja Kjennich fa dit Kjennichrikj, aul bie äant wia.
Jesus meend nich, daut daut Kjennichrikj aul aunjefongen haud to rejieren. Hee säd lota mau rajcht to siene Jinja, daut daut Kjennichrikj noch ver äant wia (Aposteljeschicht 1:6-7). Oba hee wia krakjt to dee Tiet jekomen, aulsoo daut Joa, waut de Bibel haud verutjesajcht, daut hee wudd aus de tookjinftja Kjennich komen. b Doawäajen kunn Jesus sajen: “De bestemde Tiet es bat hia”, aulsoo de Tiet, wua hee wudd met sienen Deenst aunfangen, om daut Evangelium, ooda de goode Norecht, von daut Kjennichrikj to prädjen (Lukas 4:16-21, 43).
Daut de Menschen de goode Norecht äwa daut Kjennichrikj kunn togood komen, musten dee een Leetsennen haben äwa äare Sinden, un soo läwen aus Gott daut fa rajcht tald. Dee waut een Leetsennen hauden, weesen, daut see aun de goode Norecht äwa dit tookjinftje Kjennichrikj jleewden.
Waut halpt ons noch, Markus 1:15 to vestonen?
Jesus säd dise Wieed aum Aunfank von sienen Deenst en Galiläa. En deeselwje Jeschicht en Matäus 4:17 sajcht daut: “Von dan aun” prädicht Jesus von Gott sien Kjennichrikj. Jesus sien Deenst haundeld sikj gaunz von daut Kjennichrikj, wiels bloos en de vea Evangelien c woat aul äwa 100 Mol von daut Kjennichrikj jerät, un mieeschtens doa, wua Jesus daut selfst sajcht. Soo aus daut en de Schreft steit, räd Jesus mea äwa Gott sien Kjennichrikj, aus äwa irjentwaut aundret.
Läs Markus, Kapitel 1. En De Bibel – Niee-Welt-Äwasatunk jeft daut uk Footnooten un Launtkoaten un Wuaterkjläarungen un Aunhangs.
a Gott sien Kjennichrikj es de Rejierunk em Himmel, waut von Gott oppjestalt es, toom sienen Wellen opp de Ieed derchfieren (Daniel 2:44; Matäus 6:10). Wan du noch mea doaräwa weeten west, see dän Artikjel “Waut es Gott sien Kjennichrikj?”
b Jesus must een Kjennich woaren, om eent von de Oppgowen to erfellen, waut von dän Messias, aulsoo Gott sien Veträda, verutjesajcht wia. Noch mea äwa biblische Profezeiungen, waut wiesen, daut Jesus de Messias es, jeft daut en dän Artikjel: “Bewiesen de Profezeiungen ut de Schreft, daut Jesus de Messias wia?”
c De Evangelien sent de ieeschte vea Bieekja von de Christelje Griechische Schreften, jeweenlich uk daut Niee Tastament jenant, wua Jesus sien Läwen un sien Deenst beschräwen woat.
Veleicht jleichst du uk dit
WAUT SAJCHT DE SCHREFT ÄWA ...?
Waut woat Gott sien Kjennichrikj aules doonen?
Lia, waut fa een scheenet Läwen du kaust haben, wan Gott siene Rejierunk äwa de Ieed rejieren woat.
WAUT SAJCHT DE SCHREFT ÄWA ...?
Bewiesen de Profezeiungen ut de Schreft, daut Jesus de Messias wia?
Wudden sikj de Profezeiungen von dän Messias noch haben kunt aun mea Menschen erfellen?
WICHTJE BIBLISCHE LIEREN
Waut es Gott sien Kjennichrikj?
Aus Jesus oppe Ieed wia, lieed hee aundre mea äwa Gott sien Kjennichrikj aus äwa aundret. Aul hundade Joaren haben siene Nofolja om dit Kjennichrikj jebät.
BIBELVARZHEN UTJELAJCHT
Johanes 14:6 utjelajcht – “Ekj sie de Wajch, de Woarheit un daut Läwen”
Wuarom mott eena, dee Jehowa aunbäden well, daut aunerkjanen, daut Jesus doabie eene wichtje Oppgow haft?
BIBLISCHE LIEREN
Help toom de Bibel studieren
Läs die veschiednet ut, waut die halpen kaun, deepa un met mea Freid to studieren.
BIBLISCHE LIEREN
Fang een Bibelstudium aun
Du kaust een Studium haben met dienen ieejnen Bibelliera un daut kost nuscht.
