Skip zu vass drinn is

Vass Nemd’s Fa’n Happy Family Layva Havva?

Vass Nemd’s Fa’n Happy Family Layva Havva?

Denksht du’s nemd . . .

  • leevi?

  • geld?

  • adda ebbes shunsht?

 VASS DI BIVVEL SAWKT

Happy “sinn dee vo Gottes Vatt heahra un’s aw doon.”Lukas 11:28, Di Heilich Shrift, Pennsylvania Deitsh un English.

VASS SELL MAYNA KANN FA DICH

Leevi finna es voah is.Epheser 5:28, 29.

Recht respect havva.Epheser 5:33.

Immah nannah trusta.Markus 10:6-9.

 KANN MA REELI GLAWVA VASS DI BIVVEL SAWKT?

Yau, fa aett leest zvay reesins:

  • Gott is da vann es family layva kshteaht hott. Di Bivvel sawkt, Jehova Gott hott di eahshti mensha zammah gebrocht fa keiyaht sei. (1 Mosi [Genesis] 2:18-24) In anri vadda, miah henn families veil Jehova’s so gmacht hott. Favass is sell importand fa vissa?

    Denk moll veyyich dess. Vann du amma goodah meel enjoya bisht un du vetsht vissa vass drinn is, veah daytsht frohwa? ’S dayt yusht sens macha fa da vann frohwa’s gmacht hott.

    In da saym vayk, fa ausfinna vass’s nemd fa’n happy family layva havva is’s besht fa zu Jehova gukka, da vann es di eahsht family gmacht hott.

  • Gott gebt acht uf uns. Families doon goot fa sucha fa Jehova sei hilf es eah gebt deich sei vatt. Favass? “Fa eah gebt acht uf eich.” (1 Petrus 5:6, 7) Jehova vill vass’s besht is fa uns—un vass eah sawk dutt immah ausshaffa!Shpricha (Proverbs) 3:5, 6; Jesoiya (Isaiah) 48:17, 18.

 EBBES FA DENKA DIVEYYA

Vi kansht du en goodah mann, fraw, adda goodi eldra sei?

Di Bivvel hott da ensah zu sellah question in EPHESER 5:1, 2 un KOLOSSER 3:18-21.