Jump go wetin dey inside

Jump go another thing wey dey for here

Jump go wetin dey inside this book

Jehovah Witness People

Nigerian Pidgin

Life and Preaching Meeting Book  |  March 2018

 MAKE WE DEY LIVE LIKE CHRISTIAN

Wetin We Go Do to Make How We Dey Preach Better​—Teach Your Bible Student How to Prepare

Wetin We Go Do to Make How We Dey Preach Better​—Teach Your Bible Student How to Prepare

WHY E GOOD: When Bible students prepare, e go help dem understand and remember wetin we teach dem. The more dem dey understand and remember wetin dem learn, the more dem go dey use am for their life. Even after dem baptize, dem go still need to prepare for meeting and preaching so that dem no go fall comot from Jehovah side. (Mt 25:13) So if dem know how to study and make am part of their life to dey study, e go really help dem for life. Make we dey teach dem how to prepare for their Bible study, from the time wey we start to teach dem.

HOW YOU GO TAKE DO AM:

  • Show am better example. (Ro 2:21) Prepare before you go study with am, and think about how you go take help am understand wetin you go teach am. (km 11/15 3) Make e see your book sey you don mark the answer

  • Encourage am to prepare. Once the study don stand, let am know sey to prepare na part of Bible study arrangement, and explain wetin e go gain if e prepare. Give am idea about how e go take make time to prepare. Sometimes, some publishers dey allow their student use their book wey dem don mark when dem dey study, so that the student go see why e good to prepare. Thank am when e prepare

  • Show am how to prepare. From the time wey some publisher start to study with person, e go use one full time for study teach am how to prepare