From Ezekiel vision about Jehovah temple, we see sey Jehovah people go praise am with the things wey dem get. How we go take join dey praise Jehovah with our preaching?—Heb 13:15, 16.
One better way to praise Jehovah na to auxiliary pioneer. For 2018 service year, many months get five Saturday or five Sunday. This one go really help people wey their work no dey give dem plenty time to preach. Or people wey be sey na only for weekend dem dey get chance to go preaching. Another thing be sey, we fit choose how many hours we go report, whether na 30 hours or 50 hours. But this one na only for March and April, and the month wey circuit overseer go visit the congregation.
If we no get chance at all at all to do auxiliary pioneer, wetin we go do? Make we dey try spend more time for preaching, and make sure sey the way we dey preach dey better pass before. No matter how e be for 2018 service year, make our love for Jehovah move us to do everything wey we fit do!—Ho 14:2.
WATCH THIS VIDEO: WITH JEHOVAH POWER, I GO FIT DO ANYTHING. AFTER, MAKE UNA ANSWER ALL THIS QUESTION:
Wetin touch Sabina mind wey come make am do more for Jehovah work?
How Sabina example take touch you and wetin you learn?
For 2018 service year, how many month you want auxiliary pioneer? Write the name of the month?