When Paul and Silas dey prison, dem use song praise Jehovah. (Ac 16:25) For Nazi Germany time, our brothers and sisters sing Kingdom song when dem dey Sachsenhausen prison and when dem carry them go Siberia. This one show sey if we dey face any wahala because we dey serve Jehovah, we go get strong mind to fit face am if we dey sing Kingdom song.
Our new songbook wey be “Sing Out Joyfully” to Jehovah go soon dey for other language. So when this new songbook reach our hand, e go good make we start to dey use am for our family worship so that we go fit master the song. (Eph 5:19) When we dey face wahala, Jehovah go use im holy spirit help us remember our song. Our Kingdom song dey help us put mind for the hope wey we get. E dey give us strong mind when we dey face problem. And this our new song dey make us get hope when we dey sing am whether things good or e bad. (1Ch 15:16; Ps 33:1-3) Make we make sure sey we use this our new songbook well!
WATCH THIS VIDEO SONG WEY MOVE WORKERS, AND ANSWER ALL THIS QUESTION:
Wetin make Brother Frost form that song?
How the song take help our brothers for Sachsenhausen prison?
How our Kingdom song take dey help you?
Which of our song you go like learn how to sing and master?