Jump go wetin dey inside

Jump go another thing wey dey for here

Jump go wetin dey inside this book

Jehovah Witness People

Nigerian Pidgin

Good News Wey Come From God!

 LESSON 7

Wetin Be God Kingdom?

Wetin Be God Kingdom?

1. Wetin be God Kingdom?

Wetin make God choose Jesus to be King?MARK 1:40-42.

God Kingdom na government wey dey heaven. E go comot all the government wey dey this world and come start to dey rule. The Kingdom go make wetin God want dey happen for heaven and for earth. This things wey God Kingdom go do for us good well well. Small time now, God go bring better government wey go do better thing for everybody. E go make everybody come together as one.—Read Daniel 2:44; Matthew 6:9, 10; 24:14.

No kingdom wey no get king. Na Jesus Christ Jehovah choose make e be King for that Kingdom.—Read Revelation 11:15.

2. Why God choose Jesus to be King?

God choose Jesus to be King because e get good mind, e no dey fear to do wetin good. (John 1:14) Another thing be sey, e get power to help people because e go dey rule this world from heaven. After Jehovah wake am up when e die, Jesus come go heaven go wait for God right hand side. (Hebrews 10:12, 13) After, God come give am power make e start to rule.—Read Daniel 7:13, 14.

3. Who go follow Jesus rule?

Na some people wey Bible call ‘holy people’ go follow Jesus rule. (Daniel 7:27) The first holy people wey Jehovah choose na Jesus apostle dem. Even today, Jehovah still dey  select some good people wey go follow Jesus rule. Inside dem, man and woman dey. When God go bring dem come life again, dem go be spirit like Jesus.—Read John 14:1-3; 1 Corinthians 15:42-44.

Jesus call the people wey go go heaven ‘little flock.’ (Luke 12:32) Na 144,000 dem be. Na Jesus with dem go rule this world.—Read Revelation 14:1.

4. Wetin happen when Jesus start to dey rule?

Jesus start to dey rule for the year 1914. * The first thing wey Jesus do, na to pursue Satan and all im demon comot from heaven. Satan come vex, na im make am dey cause all this wahala wey dey. (Revelation 12:7-10, 12) From that time, the kind suffer wey we dey suffer now don pass wetin we fit use mouth talk. Things like war, serious hunger, bad bad sickness, and ground wey dey shake dey open (earthquakes), show sey small time the Kingdom go start to dey control things for this earth.—Read Luke 21:7, 10, 11, 31.

5. Wetin God Kingdom dey do?

This preaching wey we dey preach, na im God Kingdom dey use take dey gather plenty plenty people for everywhere. Many people wey dey listen to the preaching don dey come Jesus side. When God go destroy this wicked world, e no go let anything happen to the people wey listen to am. So, make anybody wey want gain from God Kingdom learn how e go take support Jesus.—Read Revelation 7:9, 14, 16, 17.

Na 1000 years Jesus go take rule. For that 1,000 years, God go turn this earth to paradise. After the 1,000 years don pass, Jesus go come give the Kingdom back to God. (1 Corinthians 15:24-26) You know anybody wey you go like tell the good things wey that Kingdom go do?—Read Psalm 37:10, 11, 29.

 

^ par. 6 If you want learn more about wetin Bible talk about 1914, read page 217-220 for this book What Can the Bible Teach Us?