WHEN you read newspaper, watch television, or listen to radio, you go hear different different bad story. E fit be about war, thief people or people wey dey bomb theirself and other people. You self fit dey face some kind problem like, sickness or person wey you love die.
Na wetin God want for me and my family be this?
Wetin go fit help me bear all my problem?
Peace go ever dey?
The answer for all this question dey inside Bible.
BIBLE TEACH US SEY GOD GO DO ALL THIS BETTER BETTER THINGS FOR THIS EARTH.
Pain no go dey again. People no go old and die again.—Revelation 21:4
Person wey no fit waka go jump like antelope.’—Isaiah 35:6
‘Blind people eye go open.’—Isaiah 35:5
God go bring people wey don die come back to life.—John 5:28, 29
Nobody go sick again.—Isaiah 33:24
Everybody go see food chop belleful.—Psalm 72:16
GAIN FROM WETIN BIBLE DEY TEACH US
E dey easy to think sey all this things wey you don read for up no fit happen. But God don promise sey e go soon do all this things for this earth, and Bible talk about how e go take do am.
No be only that one Bible tell us o! E still tell us wetin we go do so that we go dey happy and enjoy life even now. Take small time think about the things wey dey worry your mind. E fit be money, family matter, sickness, or sey person wey you love die. Bible go help you manage all this problem, and the answer to all this question wey dey down fit cool your mind. The question na:
Why we dey sure sey God go do everything wey e don promise?
As you dey read this book, e show sey you want know more about wetin Bible dey teach. This book go help you. All the paragraph get question wey go help you understand Bible well well. Plenty people don gain as dem dey study Bible with Jehovah Witness people, and you go still gain. God go bless you as you dey learn wetin Bible dey teach!