Jehovah bless Solomon with better sense and e allow am build the temple, but na small small Solomon start to dey leave Jehovah. If you be papa or mama, help your pikin see how people wey dey serve juju take make Solomon leave Jehovah. The kingdom come divide, bad king come make Israel people leave Jehovah and start to dey serve juju. Around this time, dem suffer many prophet wey serve Jehovah, come even kill dem. Queen Jezebel even make people wey dey north leave Jehovah and start to dey serve juju. That time no easy for Israel people at all. But some people still dey wey serve Jehovah well like King Jehoshaphat and prophet Elijah.
FOR THIS PLACE
God like wetin King Solomon ask am, and e bless am well well.
Many Israel people stop to dey serve Jehovah.
Who be the true God? Jehovah or Baal?
You think sey Jehovah go fit still help you?
Two miracle for the same house!
Jezebel plan to kill Naboth because e want thief im farm! Jehovah God see the bad things wey e do.
Jehoshaphat wey be good king pray to Jehovah when other country want come fight Judah.