Na only one true God we get, im name na Jehovah. (Psalm 83:18) We no fit see am because e be Spirit. E want make we love am as e take love us. E still want make we love other people. (Matthew 22:35-40) Na im make everything and nobody get power reach am.
God first make one angel wey get power. Later, people come know am as Jesus Christ. Jehovah still make other angel dem.
Na Jehovah make everything wey dey heaven . . .and for this world. Revelation 4:11
Jehovah make star for heaven and everything wey dey this world.—Genesis 1:1.
The first man wey God make na Adam and na sand sand e take make am.—Genesis 2:7.