Wetin Government Law Talk
We Welcome You!
Dis website dey to help you learn many many things about God, about Bible and about Jehovah Witness People. You fit read anything wey dey dis website or mek you watch am or download am. We want mek other people sef gain better thing from dis our website. Abeg, no copy anything from dis website go put for another website or application. You fit tell other people mek dem sef come check dis website if you want show dem the things wey you don learn. Check under mek you see the things wey you go do if you want use dis website.
● Trademarks (Logo; The name or picture wey you go tek sabi the company)
● Things Wey You Go Do If You Want Use Dis Website
● Medical Section (Dis part dey talk about anything wey concern our body)
● If You No Want Gree for Wetin Dem Talk for How to Use the Website
● Things Fit Change
● Law and The Area Wey E Get Power To Control
● The Things Wey Talk About How You Go Fit Use The Website Dey Different Different
● All Dey Agreement
© 2015 Watch Tower Bible and Tract Society of Pennsylvania. Na Watchtower get dis website and na only dem fit talk as dem want mek people use am.
Na Watchtower Bible and Tract Society of New York, Inc. (“Watchtower”) get dis Website. Na Watchtower Bible and Tract Society of Pennsylvania use their sense tek do everything wey dey inside. If dem write wetin no be their own, dem go write where dem for get am.
Trademarks (Logo; The name or picture wey you go tek sabi the company)
JW, JW.ORG, JW BROADCASTING, and JEHOVAH’S WITNESSES – BROADCASTING na different name wey you go tek sabi Watch Tower Bible and Tract Society of Pennsylvania.
Adobe, Adobe logo, Acrobat, and Acrobat logo na name and picture wey you go tek sabi Adobe Systems Incorporated. iTunes and iPod na name wey you go tek sabi Apple Inc. Any name or picture wey company don register wey you fit tek sabi dem, na the company get am.
Things Wey You Go Do If You Want Use Dis Website
Na dis things you go do if you want use dis website. If you dey use dis website, na ‘im be sey you don read the things wey we write sey you go do and you don gree. If you no gree with the things wey we write whether na part of am or na everything, mek you no use dis website at all at all.
Wetin be the correct way to use dis website? As we don write for under,:
● You fit see picture wey be sey na only Watchtower get am because na dem use their sense draw am or mek you print am or download am. Even other things wey we put for the website like book, song, picture, video, or anything wey we write. You fit use am for yourself or for other things but mek you no sell am.
● You fit give other people the address wey dem go tek enter our website (link) or anything wey you download from our website like book, video, or song.
● Mek you no carry anything wey we get for our website go put for another website whether na website wey dem dey share video or na website wey people dey chat or any other website for internet.
● Mek you no share our picture, different things wey we get for our website, our name or the logo wey you go tek sabi us, our song, video or the things wey we write go give another computer program. (e still mean sey you no fit copy am go put for another server mek another computer program dey use am).
● Mek you no make another copy or share anything wey dey our website because sey you want sell am mek you for get money. (even if you no go get extra money for inside).
● Mek you no copy any computer program wey we get or other things wey we dey use for our program or the one wey we dey use collect or copy or download things wey we write, even HTML or other picture because sey you want dey share am give people. (E no mean sey you no fit share some program wey person fit use download the things wey we get (like EPUB, PDF, MP3, AAC, MOBI, and MP4 files) wey dey where everybody fit dey see am for our website.)
● Mek you no use dis website anyhow or use the things wey you get from the website anyhow. No use wayo way dey enter the website or dey use another way wey no be the correct way wey we don give you.
No use dis website for the kind way wey go spoil the website or other things wey go kom make am dey hard for other people to use am. No use am do 419 or do anything wey go break government law.
No use dis website or any picture wey we draw inside, the different things wey we get, our name or our logo do anything like sey you want sell am or you want buy am.
Medical Section (Dis part dey talk about anything wey concern our body)
Wetin dey the medical section for dis website (“Medical Section”) na just to mek you sabi different things, no be to tell you wetin you go do. E no dey to tell people wey be doctor wetin dem go do or how dem go tek treat person wey no well. Dis Medical Section no dey talk the kind test wey person go do or the kind doctor wey go treat am or the kind medicine, how you go take medicine or other things wey some medical section fit dey talk.
If you get any question about something wey fit do person for body or how you fit treat am, e good mek you dey ask doctor or person wey sabi treat sick people well well.
Dis website get many correct things wey you fit know inside the Medical Section. But the things wey dey dis medical section, we just put am there, we no dey promise you sey na ‘im better pass. We no dey tell you sey na we get am and nothing fit happen. Anything wey you read for dis medical section sey dem promise you for the thing wey you dey read am for, no be the people wey get dis website get am o. The people wey get dis website no dey promise you sey wetin you read for dis medical section na the correct thing or sey na ‘im be the latest or sey na ‘im be the whole thing wey you suppose know about the thing wey you dey learn. If any mistake dey or e get something wey dem komot from the things wey dey dis medical section, e no concern the people wey get dis website. If you trust anything wey you read for dis medical section, na you sabi. If anything spoil or you dey talk something about wetin you read for dis medical section whether na promise dem promise you or na mistake or na something wey government law talk or any other thing wey you see for dis medical section, e no concern the people wey get dis website.
If You No Gree Do Wetin Dem Talk for How to Use the Website
If you no gree do wetin dem sey mek you do for dis Website, Watchtower fit do you anything wey dem see sey na the correct thing to do. Dem fit stop you mek you no use the website again, dem fit block other computer wey dey use your IP address mek dem no enter the website again, dem fit tell the people wey dey allow you use internet sey mek dem no allow you enter dis website again and dem fit even use government law punish you because of am.
Things Fit Change
Watchtower fit change the things wey dem don write before about how person fit use dis Website. If dem change am, dis new change go start for the time wey dem put am for the Website. So make you dey check am everytime to make sure sey na the latest thing wey dem write you sabi.
Law and The Area Wey E Get Power To Control
The law wey dey for New York, U.S.A. go follow all the things wey dem write wey talk how dem go take use the Website even if New York, U.S.A. law no be the same with your country own. If na matter wey dem go carry go court, na the court wey dey for New York, U.S.A. dem go carry am go.
The Things Wey Talk About How You Go Fit Use The Website Dey Different Different
If the court sey dem no fit punish you for one of the law wey you don break for how you go fit use dis Website, dat one no mean sey dem no go fit use another one punish you. Even if Watchtower no fit use dat one now, e no mean sey dem no go fit use am again.
All Dey Agreement
Everything wey dey here dey show the agreement wey you and Watchtower get about how you use dis website. No other thing wey una gree before go fit pass dis one if na matter wey concern dis website.