Jump go wetin dey inside

Jehovah Witness People

Choose language Nigerian Pidgin

Agreement About Your Information

IMPORTANT: AS YOU DE USE OUR WEBSITE AND/OR AS YOU GIVE US ANY INFORMATION ABOUT YOURSELF, YOU DE AGREE SAY ALL YOUR INFORMATION WEY YOU GIVE US, WE FIT USE-AM THE WAY WE TALK FOR THIS AGREEMENT FOR DOWN AND WE GO USE-AM DO WETIN MAKE US COLLECT-AM AS E DEY FOR THIS AGREEMENT. AND WE GO STILL FOLLOW WETIN OTHER LAWS TALK WEY THEY CONCERN THIS AGREEMENT ABOUT HOW WE GO USE YOUR INFORMATION.

 THE INFORMATION WEY YOU GIVE US

We ready to protect your privacy and we no go do wetin you no want. Na this Agreement we de follow about how we go use any of your information wey we collect from you or wey you give us for our website. We de keep some information about you when you enter our website. We know say we no suppose to share the information and we go let you know wetin we go do with-am. If you like-am, you fit give us information about yourself. The information about yourself wey you de give us na things like, your name, e-mail address, mailing address, telephone number, or any other information wey we use know you. You no need to tell us anything about yourself when you want browse the open area for our website. When we talk of “website” for here, we de talk about this website and other website wey we get like, apps.jw.org, tv.jw.org, stream.jw.org, and wol.jw.org.

 WHO FIT USE YOUR INFORMATION

Na Watchtower Bible and Tract Society of New York, Inc. (“Watchtower”) get this website. This organization no be to make money. E de support the work wey Jehovah Witness people de do and Bible wey them de teach people. If you make up your mind say you want open any account, you want donate something, you want free Bible study, or do any other thing wey e go make you give us information about yourself, e mean say you accept wetin dey this Agreement. E still mean say you gree with the way we go save your information for our servers wey them dey United States of America. You still agree with how Watchtower and the other organization wey them de support Jehovah Witness de collect, use, transfer, and store information about you wey we need to do the thing wey you want make we do. Jehovah Witness organization dey for different-different country. The organization de work with other small organizations wey they register. Under the law about how to use your information, this small organizations wey we de use na congregations wey e dey different-different country, branch office, and other organizations of Jehovah Witness wey we register.

The group wey e fit use your information depend on the side wey you dey for the website. For example, if you contribute to any of our organization for any country wey we register for law, we go give your name and your address to that organization. Na that same organization you see the time wey you de make your donation. See another example, if you talk say you want make person come de study Bible with you, we go give your name and other information about you to the branch office and congregation of Jehovah Witness so that we fit do wetin you want.

Another thing wey e fit help you be say, if the country wey you dey get law wey e talk about how to use information of person, as e concern this agreement, you fit see the information for the country wey you dey. You go see-am for the Data Protection Contacts page.

 YOUR INFORMATION DEY SAFE AND WE KEEP-AM SECRET

We de make sure say your information dey safe and we no de give any person. The way we de save and protect your information dey up-to-date. We no want make other people wey they no suppose to get your information, get-am. We no want make they use-am anyhow, make they change-am, make they destroy-am, or make e lost by mistake. Any other group wey e de follow us use information about you to do wetin you want, must follow wetin dey our agreement about how to use your information. They go keep your information secret. Your information go only dey with us throughout the time wey we need-am to do wetin you want make we do for you. And e go still dey with us if we want use-am handle any legal matter wey e concern this agreement or if we need to keep-am.

We de protect your information when we de transfer-am with wetin go make other people no see-am like, Transport Layer Security (TLS). No be just anybody fit get information from inside the computer wey we de use. We de keep them for safe place, and we de use things wey e go make-am hard for another person to fit get the information wey you give us. Our security dey tight so that your information no go reach the hand of person wey e no suppose to get-am.

 UNDERAGE

If you de use our website from country wey the law see you as underage, you fit submit your information for this website only if your papa, mama, or guardian know about-am. If you be papa, mama, or guardian and you agree make underage submit information about e self for this website, e mean say you accept this Agreement about how underage go use this website.

 THIRD-PARTY

Sometimes, this website go get links wey they fit carry you go another website (Third-Part) wey them de help us do wetin you want make we do (for example, when person de fill online forms).You go know say you dey another website apart from this one, when the appearance and the address change for the address bar for up. Anytime wey we select another website to help us do something, we de check the kind agreement them de use protect information to make sure say their standard na the same with our own. We still de check-am, from time to time. If you get question about any website wey we link, abeg, check the Agreement wey e dey their website.

 NOTICE OF ANY CHANGE FOR THIS AGREEMENT

We de add new things for this website and we de make the way e de work de better. As time de go, we still de do other new things wey we no de do before. As this things de change, and as law and technology de change, the way we de use information for our website go de change from time to time. Any time we see say e dey good make we change our Agreement, we go put the new one for this page so that you go always know about the information wey we collect and the way we go use-am.

 ACTIVE SCRIPTING OR JAVASCRIPT (Computer Program)

We de use wetin them de call Scripting so that the way our website de work go de better. This technology wey the name na Scripting, de allow the website make e send information give you back. We no de ever use-am to put any software for your computer, or collect information about you wey we no suppose to collect. We need to allow Active Scripting or JavaScript make them de work for the browser so that some part of the website go fit work well. Make you go check the place wey they write about the browser under Help. E go help you see how you go fit make scripting work for some website.