Ji'phna kxtee me'jwe

Me'jwe menu je'zte

Kxtee nyaafxte me'jwe

Jeuwa Kaaji'yusa

nasa yuwe

Kaapiyaˈjwe zxikweˈsxtxis

 PEˈLA 1

Txãa paaçte jxawnisaˈsthaˈw jiyu wẽeje

Txãa paaçte jxawnisaˈsthaˈw jiyu wẽeje

¿Jiiga kĩhkx paaçte ũsnisa?... * Txãa paaçte jxawnisaˈs maii nasa jimeeyã. Dxus eça weˈwek paaçte jxthuhthenisaˈs, txãas naˈwku yase “paaçte Dxus jxawnisaˈs”. Txãa Dxus jĩina. Nyafxtey kimweˈsx yuhwa jiimeenetayu. Txãa angelesweˈsxwa jiyu wẽejeneta kĩhk txãa. ¿Idxa jiyu wẽejega txãa paaçte jxawnisaˈs?...

Txãa angelesweˈsxwa jiyu wẽejeneta txãa paaçte ũsnisaˈs

Txaawẽˈsxa ¿Maˈw kitx yaseyu?... Adán vxiteˈ Eva. Txaawẽˈsxa kiwe zxiçxkwe Edén yaseteneta uˈpsayu, Dxusne phewuˈjçxa ũs kxtee uˈpkan. Dxusa wẽdxnane ũssu txaawẽˈsx vxiteˈ zxikweˈsx naa kiwes zxiçxkwe vxitkhan, nyaafxte Edén maˈwne yũu txaˈwẽy. Nawa Dxusyu jxukasaytxine baakaçxtewa naa kiwe zxiçxkwete ũsthãasu. Nawa txãw yũumeene. ¿Kĩh yũuçxa?

Adán vxiteˈ Eva Dxusaˈs nwẽseˈjmee paˈka, txaawẽˈsx paˈka kweˈsxa ãçxh naa kiwe zxiçxkwete ũsmeethaˈw. Txaˈwẽy Dxusa weˈwne eˈsu naa kiwes kiˈkin zxiçxkwe vxitna kaajana. Jxukasay baakaçxtewa wẽt fxiˈzen ũsuˈjnaw. ¿Maˈw txãa weˈwnisa kxtey yũukx? Maantey, kim yuhwa jiimeeneyu. ¡Txãa paaçte jxawnisaˈs!

Nawa leˈçx leˈçxkwe jiyun uˈjneta. Txaˈwẽy Jesús naa kiwete kĩhçxa, nasatxis kaapiyane paaçte jxawnisaˈs. Txaˈwẽy kaapiyane txãa Dxus jxkaahwaˈjas. Kweˈsx Dxus yakh puutx weˈwçxa pẽhythaˈw: “idx jxkaahwaˈj enaˈsçxáathaˈw ũythasuˈ”. ¿Kĩh yũuçxa? Txãa Dxus jxkaahwaˈja naa kiwes zxiçxkwe vxitna kaajana.

¿Idxa wẽdximag txãa kiwe zxiçxkwete ũsya?... Yahkx Dxusaˈs nasa nwẽseˈjsaçxa naa kiwe zxiçxkwete fxiˈzeyã. Dxus eçte ptaˈsxik kũh piçthẽˈjweˈsx vxiteˈ uˈyweˈsx Dxus Jeuwaˈs nwẽeseˈjneta. Naa folletote ãjaˈjnaw txaawẽˈsx naˈwẽy nwẽeseˈjya Dxusaˈs. ¿Wẽdximag txãaweˈsxtxi jiyuya?...

MEEN DXUS EÇTE LEYWE:

  • Marcos 4:11

  • 1 Pedro 1:12

  • Génesis 1:26-28; 2:8, 9; 3:6, 23

  • Mateo 6:9, 10

  • Salmo 37:11, 29

^ pe’la. 3 Paapẽynisa eˈsu naa folleto puntos suspensivoswaˈj jiˈpha (...). Eˈsu paapẽynisaˈs leyçxa, leˈçxkwe mũythas idx zxik passkan.