Ji'phna kxtee me'jwe

Me'jwe menu je'zte

Kxtee nyaafxte me'jwe

Jeuwa Kaaji'yusa

nasa yuwe

Kaapiyaˈjwe zxikweˈsxtxis

 PEˈLA 13

Timoteo nasatxis wala puˈçxh wẽejene

Timoteo nasatxis wala puˈçxh wẽejene

Timoteo piçthakxiyu wẽt yaahkxne vxitesatxis puˈçxhna. Mtee mteewa uˈjne nasatxis puˈçxhya. Wala ew yũune. ¿Wejxkwe txãate jiyu wẽejega?...

Njĩˈj vxiteˈ mamá wala yakh Timoteos kaapiyaˈjneta Jeuwate

Timoteo walaane kxtee Listra çxhabte. Txãjx njĩˈja Eunicene yaseyu, txãjx mamá wala Loidane yaseyu. Txaawẽˈsxa leˈçxkwẽˈyteneta Timoteos Jeuwate weˈwna nuy walaa. Txãjxçxa Timoteo leˈçxkwẽˈy nasatxis Jeuwate weˈwya wẽdxne.

Pablo naˈjĩne Timoteos piçthakiina: “Vxite ãhsu Dxus yuwes ptaˈsxya uˈjweçthu. ¿Adx yakh yuhmag?”. Timoteo wala wẽt yaahkxçxa naˈjĩk: “¡Yuh wẽen!”. Txãayu nasatxis puˈçxh wẽejene.

 Pablo yakh uˈjne Tesalónicatepaˈj, txãa çxhaba Greciatene ũssu. Kxtee paˈj uˈjwẽeçxa çxida, vxiteˈ barcoteneta uˈjwe jiˈphu. Kxtee paˈjyãçxa, wala puˈçxhneta nasatxis Jeuwate kaajiyun. Nawa maii nasayu wala ũusxaçxaneta txaawẽˈsx yakh. Txãw yũute Pablo vxiteˈ Timoteo vxite ãhsuneta Dxus yuwes ptaˈsxya uˈj.

Timoteo wala wẽt ĩtxi fxiˈzewaˈjaˈs jiˈphune

Maz aˈte skhẽwyãte Pablo kiˈkin sxawẽdunega jĩne Timoteos Tesalónica çxhabtepaˈj. Yakhthẽˈjweˈsx maˈw ũstewa Jiyu wẽejene. Nawa Tesalónicate maii nasaweˈsxa pkxuuneta Cristo yakh ih jaˈda uˈjusatxis. ¡Timoteoyu wala çxhãçxha ũus yaahkxwa jiˈphune! ¿Kĩhkik yũu Timoteo? Yakhthẽˈjweˈsxtxis kũh yahkxçxa thegya uˈjne. Txajuˈ sxawẽdçxa ew thuuteˈjnis jxũun paˈjne Pablo. ¡Txãa yakhthẽˈjweˈsx Tesalónicateweˈsxa Jeuwaˈs selpii nesçxaneta yũu!

Timoteo mazkwẽ añowa selpiine Pablo yakh. Txajuˈ Pablo fxiˈjne Timoteote: “Txãa naˈwẽysanaˈwyu meena. Jeuwa vxite yakhthẽˈjweˈsxtxis wẽdxsa”.

Idxwa vxitetxis wẽdxiga, ¿puˈçxh wẽejega Jeuwate jiyukhan?... Txãw yũuçxa Timoteo naˈwẽy wẽt fxiˈzeya ãjaˈnega.

MEEN DXUS EÇTE LEYWE:

  • 2 Timoteo 1:5; 3:15

  • Hechos 16:1-5; 17:1-10

  • 1 Tesalonicenses 3:2-7

  • Filipenses 2:19-22