Ji'phna kxtee me'jwe

Me'jwe menu je'zte

Kxtee nyaafxte me'jwe

Jeuwa Kaaji'yusa

nasa yuwe

Kaapiyaˈjwe zxikweˈsxtxis

 PEˈLA 3

Rahab Jeuwaˈs kreĩne

Rahab Jeuwaˈs kreĩne

¿Idxa jiyuya wẽdxmag txantey vxitnisaˈs? Yahkx naˈwneyũu txantey Jericó cxhab Canaánte. Txãa kiwete Jeuwaˈs selpiisameeneta yũu. Nawa kxteeyu teeçx uˈy fxysane uˈpsayu. Txãayu Rahabneyaseyu.

Rahab Leˈçx khwẽˈy Jeuwa weˈwnisaˈs wẽseˈjsaneyu. Jiyune maˈw puˈçxhna ũstewa txãa çxhab Israelaˈs iipuisatxis knaykhan. Txaˈwẽy Jeuwa Moisesaˈs jxkaahne Egipto kiweju kutxiˈjya israelitasweˈsxtxis. ¡Khĩiçxa ĩkh wala behaˈs pxãh txuudene, Israelitasweˈsxtxis kaaykhẽwjkhan! Açyu Rahab wẽseˈjne wala tuutheˈjnisa: ¡Israelitasweˈsxa Jericó çxhab pukasuneta ũsu!

Rahab Jeuwaˈs kreĩnçxa txãa peethegusatxis puˈçxh

Teeçx kuste, jeˈz peethegusa israelitasweˈsx uˈkaneta Jericó çxhabte. Rahab piˈkxine Kxtee neyũukhan. Txãa kusaˈ Jericóte jxkaahsa jiyune jeˈz peethegusa ũstewa Rahab yatte. Txajuˈ Jerico jxkaahsa pakweya kaahne piçtheˈjtxis. ¿Kĩhkik yũu Rahab? Txajuˈ txãa piçthẽˈj peethegusatxis yat kakwetene suth, khĩiçxa jxkaahne piçthẽˈjtxis naˈjĩne: “Txãa peethegusa uˈjyãtx, nawa iˈkweˈsx neewuçxa kpahkxinekwe”. ¡Txaˈwyũuçxa Rahab txãa peethegusatxis nweˈwne! ¿Idxa jiyu wẽejega kĩh yũuçxakik puˈçxh?... Txãa Jeuwate kreĩne. Rahab jiineyu Jeuwa israelitasweˈsxtxis puˈçxhsatewa Jericó vxiteˈ Canaán çxhab yakh neyũukhan.

Txãa peethegusa Rahab yatte uˈjmey naˈjĩneta neweˈw: Jeuwa Jericó kiwes pebate, Rahab yatteweˈsxtxis nweˈwena. Nawa Rahab kxtee yũu jiˈphune ĩtxi ũs wẽeçxa. ¿Kĩhkx?... Txãa peethegusa naˈjĩtx: “Yat danate wes behaˈs akxi jiˈphunega, khĩiçxa jaˈda jxuka yatteweˈsxtxis ũskaahne”. Rahab kĩh weˈwtewa kxtey yũune. ¿Idxa jiyu wẽejega eˈsu kĩhkik yũu?...

Jeuwa puˈçxhne Rahab yatteweˈsxtxis

Een skhẽwyãte, israelitasweˈsxa Jericó pukasuneta. 6 eenneta txãa çxhabte tadxin ũsu, kĩhwa susmee. Nawa nmeh eenteyã, 7 ãh wala tadxineta, txajuˈ jxukasay wala çxhãçxha weyneta. Txajuˈ ¡Jeuwa jxuka Jericó yattxis pẽtxhne! Nawa ¿Rahab yattaˈs kĩhkik yũu? Txãa yat  danate wes beh jiˈph paˈka weteemeene. ¿Uyuga txãa piisanite wes behaˈs txãa yatte?... ¡Txaˈwẽy yũute Rahab yatteweˈsxa uumeeneta!

¿Kĩh yũuçxakik Rahab uumee?... Jeuwaˈs wẽseˈj paˈka, txãayu jiineyu Dxus nweˈwyãwaˈjtewa. Txãas ptaˈsxneta Jeuwa Dxus maˈwne israelitasweˈsxtxis puˈçxhna ũssuˈ, txãahne Jeuwate wejxkwe kreĩ. Idxa txaˈwẽy Jeuwate wejxkwe piyanega. ¿Idxa Jeuwaˈs nwẽseˈjmagk Rahab naˈwẽy?... ¡Txaˈwẽy nwẽeseˈjen!