Ji'phna kxtee me'jwe

Me'jwe menu je'zte

Kxtee nyaafxte me'jwe

Jeuwa Kaaji'yusa

nasa yuwe

Kaapiyaˈjwe zxikweˈsxtxis

 PEˈLA 12

Pablo sobrino çxhãçxha ũus yaahkxsayune

Pablo sobrino çxhãçxha ũus yaahkxsayune

Weˈwyawat txãa piçthakx eensu yahkxnisate, txãayu nweˈwne apóstol Pablos. maˈw yasetewa jiimeethaˈw txãayu Pablo sobrinoneyu. Txãa piçthakxyu meh çxhãçxha yũune. ¿Ptaˈsxte jiyuwẽejega?...

Pablo Jerusalénte kyuuphni uˈphune. Jesúste weˈwna ũs paˈkaneta kyuuph. Piçthẽˈjweˈsx Pablos ãçesa ewmeeneta yũu wẽeje. Txãa jxkaahsa taˈsxtepa ptaˈsxya uˈjneta: “Idx selpiisatxis Jxkaah Pablo jxũun uˈjkhan nejweˈsx taˈsxte”. Txaawẽˈsxa dxiˈjte iisuthjyawanetayu, Pablo skhẽuˈjnste, ¡ikhya!

Pablo sobrino txãjx nxuukwe yakh khwẽˈy weˈwne, txajuˈ soldado jxkaahsa yakhne weˈw

Pablo sobrinoyu jiyune txãw yũuyãwaˈjte. ¿Kĩhkikx yũuwa jiˈphu? Nxuukwes ptaˈsxya uˈjne. Pablo naˈjĩne: “Dud uˈjwenega soldado jxkaahsa taˈsxte paˈj, jxuka ptaˈsxya”. Txãw yũuwaˈja wala thẽy yũune, txãa soldado jxkaahsa wala jxthuhthesaneyu. ¿Pablo sobrino weˈwya ũukhmak txãa yakh?... Ũukhmeene, txãa wala çxhãçxa ũus yahkxçxa jxuka ptaˈsxne.

Txãa soldado jxkaahsa wẽseˈjne. Pablos nweˈwçxa vxite çxhabnane kaah, txãa çxhaba naˈwne yaseyu Cesarea, 500 soldadosne piˈkxna kaah. Naˈjĩn: “Naa kuste jxũun uˈjwenekwe”. ¿Pablo ĩtxi yũumak, meeçxa piçthẽˈj ewmeesa ikhmatx? ¿Maasujuga?... ¡Ĩtxi yũune! Txãa piçthẽˈjweˈsxa ikhya ãjaˈmeeneta.

Txãa eensu yahkxnisaˈs jiyute ¿Ewkayũuwã?... ¿Uyga Pablos sobrino wala çxhãçxha ũus yaakxnis? ¡Idxa çxhãçxa ũus yaahkxinega txãa naˈwẽy! Txaˈwẽy çxhãçxha ũus yaahkxwaˈjna Jeuwate nasatxis weˈw wẽeçxa. ¿Idxwa çxhãçxha ũus yaahkxçxa Jeuwate weˈwmak?... Wala jxthuhthesana Dxuste weˈwwaˈj nasatxis. Txãw yũute mazkwẽ nasawa ĩtxi yũuyã ãjaˈyã.

MEEN DXUS EÇTE LEYWE:

  • Hechos 23:12-24

  • Mateo 24:14; 28:18-20

  • 1 Timoteo 4:16