Ji'phna kxtee me'jwe

Me'jwe menu je'zte

Kxtee nyaafxte me'jwe

Jeuwa Kaaji'yusa

nasa yuwe

Kaapiyaˈjwe zxikweˈsxtxis

 PEˈLA 11

¿Kimweˈsxkitx Jesúste fxiˈj?

¿Kimweˈsxkitx Jesúste fxiˈj?

Thegwe ayte naa piçthẽˈjtxis. Mateo, Marcos, Lucas, Juan, Pedro, Santiago, Judas vxiteˈ Pablo. Txaawẽˈsx ĩtxi fxiˈzesanetayu Jesús eensu, khĩiçxa fxiˈjneta Jesúste. Txãa eensu yahkxnisaˈs Dxus eçte jiˈphna. ¿Peena jiyu wẽejega txãa piçthẽˈjweˈsxte?...

¿Kimweˈsxtxki naa piçthẽˈjweˈsxa?

Txãa tekhsayu Jesús namikunetayu. Txãayakhneta Dxus yuwes ptaˈsx. Mateo, Juan vxiteˈ Pedro txãa apóstolesweˈsxnetayu. ¿Kxtee piisanite ptaˈsxya ãjaˈmagk?...  Mateo vxiteˈ Juan fxiˈjneta Jesús ĩtxi fxiˈzenisate. Juan txaˈwẽy fxiˈjne nmehteweˈsx eˈças Revelación (Apocalipsis), txãa tekh peˈla fxiˈjnisayu txãjx yases jiˈphna. Txãa apóstol Pedro jeˈz eç peˈla fxiˈjne Txãjx yaseˈ yakh. Pedro wala jxthuhthesate weˈwne. Pedro wẽseˈjne Jeuwaˈs ẽewalaju txãjx zxik Jesúsaˈs weˈweçte, naˈjĩn: “Txãa adx zxika. Adxa wala wẽdxit, khĩiçxa wẽt ũsthu txãa yakh”.

Txãa piisanite vxite piçthẽˈjweˈsx naa kxtee vxyaatx, txaˈwẽy fxiˈjneta Jesúste. Marcosyu Jesúsaˈs kyuuphaçtewa uyne. Vxite fxiˈjsa Lucasneyu. Txãayu yuˈçesaneyu, Jesús uuniyãju Lucas Cristo ih jaˈda uˈjusaneyu.

Jesús nyaakh jeˈz nuuçxsaweˈsx txaˈwẽy Jesúste fxiˈjneta. ¿Jiiga kimweˈsx kitxyu?... Txaˈwẽsx naˈwnetayaseyu Santiago vxiteˈ Judas. Txaˈwẽˈsxa nyaafxtey krẽiˈjçmeeneta Jesús kaapiyaˈjnisaˈs. ¡Jesúsa wẽçxpaˈjne sũhuneta! Nawa eˈsyu ih jaˈda uˈjusanetayu.

Pablote weˈweka. ¿Piisanite uyuga? Nyaafx ih jaˈda uˈjusameey yu Saulone yaseyu. Cristo yakh ih jaˈda uˈjusatxis wala açesayune, khĩiçxa seena pkxuune txaawẽˈsxtxis. ¿Jiyu wẽejega maˈw yũuçxakik Cristo yakh ih jaˈda uˈjusayu?... Dxiˈjsu uˈjn ũsçxa, Pablo wẽseˈjne ẽewalaju weˈweçte. ¿Kimkik weˈw? ¡Jesúsneyu! Khĩiçxa paapẽyne: “¿Kĩh yũuçxaga seena pkxuu adxte krẽiˈjsatxis?”. Pablo uyne yuˈptheˈjwaˈjaˈs, khĩiçxane Cristo yakh ih jaˈda uˈjusaneyu. Txajuˈ 14 eç peˈlane fxiˈj Dxus eçte, eç Romanostene thakh, khĩiçxa Hebreostene fxiˈjn kaba.

¿Isateyu wẽdxmathaˈw Dxus eçaˈs eeniisa leyyã?... Kxteeyu Jesús txãjx eensu yahkxnisa jiˈphna. ¿Isate wẽdxmag peena Jesúste piyaya?...

MEEN DXUS EÇTE LEYWE:

  • 2 Pedro 1:16-18

  • Marcos 3:21; 14:51

  • Judas 1

  • Hechos 9:1-18