Ji'phna kxtee me'jwe

Me'jwe menu je'zte

Kxtee nyaafxte me'jwe

Jeuwa Kaaji'yusa

nasa yuwe

Kaapiyaˈjwe zxikweˈsxtxis

 PEˈLA 8

Josías txãjx namikutxis ew txhitxhne

Josías txãjx namikutxis ew txhitxhne

¿Meh thẽy manx Jeuwa wẽdxnis kxtey yũuwaˈjas?... Maii nasa meh thẽyna sũhuneta. Nawa Dxus eç kaapiyaˈjak txãwmee jĩk. Josías eensu yahkxnisaˈs weˈwek, txãjx namikutxis ew txhitxne. Piyaka Josias naˈwẽy yũuyã.

Josías neyyu Amónne yaseyu, txãane Judáte jxkaahsayu. Amónyu ewmeesaneyu, dxus ĩtximeesatxisne selpiisayu. Txãjx ney uute, Josíasne jxkaahneyu Judáte. ¿Jiiga maz año kik Josías jiˈphu jxkaahsa yũunkãhçxa? ¡8 añone jiˈphu! ¿Ney naˈwey ewmeesa maak yũu?... Txãwmeene yũu.

Sofonías naˈjĩne dxus ĩtximeesaˈs selpiite ewmee jĩne

Leˈçxkwẽˈyne Jeuwaˈs selpiiwẽeje. Txãjxçxane namiku ewsa pakwe. Txaawẽˈsxa Dxusaˈs selpiineta, txaˈwẽy puˈçxhneta Jeuwaˈs nwẽeseˈjya. ¿Kimweˈsxkikyu Josías namikuweˈsxyu?

Profeta Sofoníasyu. Txãa ptaˈsxwane jiˈphu Judá çxhabte uˈpsaweˈsxtxis: “dxus ewmeesatxis selpiin ũste, ewmeeteneyũunekwe jĩne”. ¿Kĩhkik yũu Josías?  ¿Nwẽseˈjmak profetaˈs? Nwẽseˈjne. Txãjĩiçxane Jeuwaˈs selpii, dxus ewmeesatxis kĩhwa selpiimeene.

Jeremías txaˈwẽy Josias namikuyũune. Txaawẽˈsxa puutx jaˈdaweˈsxnetayu, txãa piçtakxweˈsx utxaasu uˈpsanetayu. Jeremías vxiteˈ Josías yaˈpuçxhneta Jeuwaˈs selpiiyã. Wala namiku ewsa yũuneta, Jeremíasa Josías uute nxusna memwaˈj fxiˈjne.

Jeremías vxiteˈ Josías yaˈpuˈçxhneta Jeuwaˈs selpiiyã

¿Isa kĩh piyakxthaˈw Josíaste?... Txãa leˈçxkwetey Dxusaˈs nwẽseˈjya wẽdxne. Txãw yũu wẽeçxa txhitxhwa jiˈphune namikuweˈsx Jeuwaˈs wẽdxsa. ¿Idxa txaˈwẽy Jeuwaˈs selpii wẽejega? Wala jxthuhthesana pakwewaˈj namikuweˈsx Jeuwaˈs wẽdxsa.

MEEN DXUS EÇTE LEYWE:

  • 2 Crónicas 33:21-25; 34:1, 2; 35:25