Ji'phna kxtee me'jwe

Me'jwe menu je'zte

Kxtee nyaafxte me'jwe

Jeuwa Kaaji'yusa

nasa yuwe

Kaapiyaˈjwe zxikweˈsxtxis

 PEˈLA 4

Ney vxiteˈ Jeuwa wala wẽt ũssuneta txãa knasa yakh

Ney vxiteˈ Jeuwa wala wẽt ũssuneta txãa knasa yakh

¿Kĩhkik Jeuwaˈs weˈw Jefté?

Jefté niisa nwẽseˈjne ney weˈwnisaˈs

¿Jiiga kimki naa luuçx piisanite vxyaasa?... Dxus eçte ptaˈsxiçmee luuçx yases, nawa kaajiyujuk ney yases Jefténeyu. Jeuwa vxiteˈ Jefté wala wẽt yahkxneta txãa kxtey yũute. ¿Peena jiyu wẽejega Jefté vxiteˈ txãjx nisaˈs?

Txãa piçthẽˈj Jefté wala ewsa yũune. Khĩiçxa een kutxiˈjine txãjx nisaˈs Jeuwate kaapiyan. Txaˈwẽy txãa wala çxhãçxhasa yũune, khĩiçxa jiineyu maˈw jxkaahwaˈjtewa. Nawa israelitasweˈsx naˈjĩneta weˈw: “¿Idxa jxkaahyã wẽdxmag puiisatxis?”.

Jefté Jeuwaˈs wala pẽhyjxne puˈçxhkan puiiwaˈjaˈs knayyã. Jefté naˈjĩne weˈw: txãa puiiwaˈjas knayçxa, yatte paˈjte adxaˈs paˈkaya kaseˈjte txãa nasa Jeuwa jĩiyũuna. ¿Maajiin kik weˈw? Txãa nasayu  Dxus yatte uˈpwasaneyu tabernáculo dxiite mjĩin, selpiin baaçxtewa. Kxteeneta Jeuwaˈs nasayu selpiiyã uˈjwe. ¿Jefté knaymak puiiwaˈjaˈs? knayne. Khĩiçxa yatte paˈjçxa, ¿kim kik txãjx yattu jxpaˈkaya kaseˈj?...

¡Txãjx niisaneyu! Txãaçxaneyu niisayu, açyu Jefté kaawaˈj jiˈphune txãa tabernaculo ũswaˈjte. Nawa wala nxusne, nawa Jeuwa yakh puutx weˈwninaneyũu saˈ kxtey yũu jiˈphune, ¿kĩh yũuçxa? Niisayu neyaˈs naˈjĩne: “Idx weˈwni Jeuwaˈs kxtey yũu jiˈphunega”.

Jefté niisaˈs namikaweˈsx uˈjeneta thegya año iisa

Nyafxte niisa wala nxusne txaˈwẽy. ¿Kĩh yũuçxa? Nawa tabernaculote uˈpyãçxa kĩhwa ptaamuyã, luuçxwa jiˈphuya ãjaˈwasameeneyũu. Nawa txãa knasa kxtey yũu jiˈphune Jefté Jeuwa yakh weˈwnisaˈs. Kxtey yũunisaˈs Jeuwa wala wẽt yahkxne. Txãajĩi Dxusaˈs selpiite txãasyu wala jxthuhthesayũune. Txãahne Dxus ũswaˈjte selpiiyã uˈj baakaçxtewa.

¿Masũhuga Jeuwa vxiteˈ Jefté wala wẽt ũssumatx txãa yakh?... ¡Wala wẽt ũssuneta! Idxwa Jefté niisa naˈwẽy yũuyã ãjaˈjnega. Jeuwaˈs wẽdxçxa wala nwẽseˈjyã ãjaˈjnega. Txãw yũute wala wẽt ũsuyã Jeuwa vxiteˈ idx tata, idx mamá txaˈwẽy.

MEEN DXUS EÇTE LEYWE:

  • Deuteronomio 6:4-6

  • Jueces 11:30-40

  • 1 Corintios 7:32-34