Ji'phna kxtee me'jwe

Me'jwe menu je'zte

Kxtee nyaafxte me'jwe

Jeuwa Kaaji'yusa

nasa yuwe

Kaapiyaˈjwe zxikweˈsxtxis

 PEˈLA 10

Jesús baaçxtewa nwẽeseˈjne

Jesús baaçxtewa nwẽeseˈjne

¿Maˈwẽn yũu thẽymanx neyweˈsxtxis nwẽeseˈjwaˈjas?... Maˈwẽn yũu thẽyna, ¿txãwmanx? Nawa ¿jiiga kĩh puˈçxhik nwẽeseˈjya? Theg Jesús vxitnisaˈs. ¿Jiiga baaçxtewa Jeuwaˈs nwẽeseˈjsaneyũu txaˈwẽy neyweˈsxtxiswa?... Ayte peena jiyuˈjnaˈw Jesúste.

Naa kiwete kĩhmeey, Jesús ẽewalatene ũssayu ney Jeuwa yakh. Nawa naa kiwete kĩhyãçxa, Jesús txaˈwẽy jiˈphune ney vxiteˈ njĩˈj. Txaawẽˈsxa naˈwneta yaseyu José vxiteˈ María. ¿Jiyu wẽejega maˈw yũuçxa kitx Jesus neyweˈsx yũun kaah?...

Jesús naa kiwete upxhmey, Jeuwa wala ewsa vxitne. Jesús ẽewalate ũssiina, Jeuwa María tutxhte kiˈpne. Maria tutxhte 9 aˈtene walaan uˈpu, ãçxhka luuçx naˈwẽy, txajuˈne upxh. María txãw yũuçxane Jesúsaˈs jiˈphu. Txãa ptaamsaweˈsxa nuy walaaneta txãa luuçxaˈs.

Txaˈwẽy 12 año jiˈphçxa, Jesús wala kaajiyuˈjne Jeuwas wẽdxna. Txajuˈ Jesús txãjx yatteweˈsxyakh wala jxuˈj uˈjneta Jerusalén çxhabte paˈj. Kxtee paˈjneta Jeuwaˈs selpiiyã uˈj. Txajuˈ José vxiteˈ María yatna sxawẽdçxa Jesúsaˈs uymeeneta. ¡Kĩhte yuhwa vxyaameene! ¿Kĩhkitx yũu José vxiteˈ María?...

¿Kĩh yũuçxakik Jesús ũssuˈ Dxus ũswaˈj yatte?

Kiˈkin sxawẽdneta Jerusaléntepa tekh eenneta Jesúsaˈs pakwe. ¡Wala kũh yahkxna uˈjuneta! Nawa uyneta. ¿Jiiga kĩhtekik ũssuˈ?... Jeuwa yattene ũssu. ¿Kĩh yũuçxakik kxtee ũssu? Kxtee yũu wala ewsa piyan ũssune Jeuwate. Jesús txãjx neyaˈs wala wẽdxçxane, kĩhmeewa ewsane vxitna ũssu Jeuwa wẽt ũskhan. Jesús walayãçxa Jeuwaˈs nweseˈjnçxane nes yũu. Maakwe thẽysa jiˈphçxawa nwẽeseˈjne, nawa Jesúsaˈs seena ãhçeneta. ¿Massujuga Jesús nwẽeseˈjmak José vxiteˈ Maríaˈs?... Dxus eça nwẽeseˈjne jĩik.

¿Uyga Jesús baaçxtewa nwẽseˈjne?... Txaˈwẽy wala jxthuhthesa kaapiyaˈjak: maˈwẽn yũu thẽyntewa neyweˈsxtxis wala nwẽeseˈjwaˈjna. ¿Idxa txãwyũu maagk?...

MEEN DXUS EÇTE LEYWE:

  • Lucas 1:30-35; 2:45-52

  • Efesios 6:1

  • Hebreos 5:8