Ji'phna kxtee me'jwe

Me'jwe menu je'zte

Kxtee nyaafxte me'jwe

Jeuwa Kaaji'yusa

nasa yuwe

Kaapiyaˈjwe zxikweˈsxtxis

 PEˈLA 9

Jeremías nesçxane Jeuwate weˈwna ũssu

Jeremías nesçxane Jeuwate weˈwna ũssu

¿Kĩh yũuçxa nasa ũusxaçxan ũstxki Jeremías yakh?

Jeuwa nweˈwne Jeremíasaˈs txãa kafxyu kutxiˈjkhan

Maˈwẽn Dxus yuweˈs ptaˈsxte, nasaweˈsxa ĩinçxaneta ũusçxa yahkx txãa yakh. Txãw yũute wala wẽtmee yahkxne, ¿isa yuhmanx? Maˈwẽnsuyu naˈwthaˈw yaakxi: “Peena weˈwyawameet Jeuwate jĩin”. ¿Maˈwẽnsu txãw yaahkxiga?... Dxus eç weˈwek txãa piçthẽˈj eensu yaahkxnisate Jeuwaˈs wẽdxsaneyũu, nawa peena Dxuste weˈwya waˈlne. Txãa piçthẽˈj Jeremías yaseneyu. Theguka kiˈkin.

Jeremías piçtakiinayu, Jeuwa wala jxthuhthesa weˈwya jxkaahne nasatxis. Naˈjĩwaˈjne jiˈphu, iˈkweˈsx ewmeeyũunisaˈs nvxitwe. Nawa wala thẽy yũune, açyu Jeremías wala ũukhneˈ. Txãa Jeuwaˈs naˈjĩne: “Adxa wala piçtakxith, maajiin  weˈwekith”. Jeuwa paasçxa naˈjĩne: “Idxa ũukhnu, adxa wala puˈçxhin”.

Txajuˈ Jeremías weˈwya takhne txãa çxhabaˈs: “iˈkweˈsx yuˈptheˈjmeeçxa kastigayni neyunekwe”. ¿Nwẽeseˈjmatx?... nwẽeseˈjmeeneta. ¡Açyu maiiweˈsxyu ikh wẽeneta! ¿Jeremías maˈw kik yahkx?... Txãayu ũukhçxa, naˈjĩne: “Adxa Jeuwate peena weˈwyameet”. Nawa ¿isamak weˈw? ¿Isa Jeuwate weˈwmeemagk?... Txãwmeene yũu. Açyu Jeremías Jeuwaˈs wala wẽdxsayũune, Jeuwate weˈwna nesçxane yũu. Jeuwa wala nweˈwne Jeremíasaˈs nasa ewmeeyũun ũstewa.

Txaˈwẽy piçthẽˈj ewmeesaweˈsxa Jeremíasaˈs txitx kafxteneta akh. Jeremíasyu kĩhwa ũˈwaˈj jiˈphuçmeene txãa kafxte. ¡Txãa piçthẽˈjweˈsx ewmeesa Jeremíasaˈs uu thãasneta! Nawa ¿Jeremíasa ĩtxiyu maak? Ĩtxi yune, Jeuwa nweˈwne açyu txãa kafxyu kutxiˈjneta.

Txãa eensu yahkxnisa kaapiyaˈjak Jeremíasa wala ũukhne, nawa Jeuwate weˈwna nesçxaneyũu. ¿Kĩh piyagigk?... Maii nasa idxaˈs phewsxikayã, Dxus yuwe ptaˈsxna uˈjute. Nawa thaameeme baaçxtewa Jeuwate weˈwna nesçxayũu. Yahkx Jeuwa puˈçxhnaçxaa ũssuna, Jeremíasaˈs maˈwne puˈçxh txaˈwẽy.