Ji'phna kxtee me'jwe

Me'jwe menu je'zte

Kxtee nyaafxte me'jwe

Jeuwa Kaaji'yusa

nasa yuwe

Kaapiyaˈjwe zxikweˈsxtxis

 PEˈLA 7

¿Kĩh yũuyã ãjaˈgigk idxçxa ũukhna ũsçxa?

¿Kĩh yũuyã ãjaˈgigk idxçxa ũukhna ũsçxa?

Piisanite theg naa luuçxaˈ. ¿Isa txãaçxak ũukhna vxyaa? ¿Maa eensu txãw iiũukhga?... Jxukasay txãw iiũukhthaˈw. Dxus eçte weˈwek Jeuwaˈs wẽdxna selpiin ũssa, maˈwẽn eente ũukhneta. Elías txãwsaneyũu. Theguka kĩhkikyũu.

Jezabel Elíasaˈs ikh wẽejene

Elías Israelte uˈpsaneyu Jesús uˈpxhmeeyna. Txãa eensu, txãa Israel jxkaahn uˈpsa ptaamiineta Jeuwaˈs wẽdxsameeyu, Dxus isasaˈs. Txaawẽˈsxyu naˈwneta yaseyu Acab vxiteˈ Jezabel, txaawẽˈsxa Baal dxusaˈs isasaˈsmeeneta selpiisayu. Txãˈjĩiçxa nasa Israelte uˈpsa, txaˈwẽy Baalaˈsçxaneta selpiisayu. Jezabel meh ewmeesa yũune, jxuka ikh wẽejene Jeuwa nwẽseˈjsatxis. Elíaswaˈj Jeuwaˈs selpiite ¡txãaswa ikh wẽejene! ¿Kĩhkik yũu Elíasa? ¿Idxa kĩhyũugigk?...

¡Txãa jxuˈjne uˈpna uˈj! Khĩiçxa kafxtene iisuth. ¿Kih yũuçxa kik iisuth?... Seena  ũukhne. Nawa kĩhwa ũuhkwa jiˈphuçmeene. ¿Kĩh yũuçxa? Txãayu jiineyu Dxus puˈçxhyawaˈjtewa. Eˈsu Dxusa puˈçxhne. Txantey Elíasa Dxus yakh puutx weˈwne, Dxusa paasne ẽewalaju ipxkan. ¿Isateyu Jeuwa çxhãçxhasana? Txãwna. ¡Elíasa txãasçxane kreĩ!

¿Maˈwkik puˈçxh Jeuwa Elíasaˈs?

Elíasa kafxte uˈpte, Jeuwa paapẽyne: “¿Kĩh yũuçxa ayte uˈpga jĩne?” Elías paasne: “Nyaafxte nasa nwẽseˈjsa uˈpuneta, nawa ãçxha adxçxayũuçxaa seena ũukhna uˈpthu ikheyãsuçxa”. Dxusaˈs selpiisatxis jxuka ikhneta sujũhne. Nawa Jeuwa naˈjĩne: “idxçxameenega. 7.000 nasa selpiisa ũssyta. Ũukhnu, idxjĩi mjĩi jiˈphthu”. Dxus txaˈjĩite Elías, ¿maˈwkik yahkx?... ¡Wẽtne yahkx!

Ãçxh miyahkxwe kĩhkik yũu Elíasa. ¿Kĩh piyakxthaˈw kxtee?... Maˈwẽn eensu idxçxa uˈpçxa ũukh yaakxnega. Nawa txãw yũute, ¿jiiga maˈw yahkxwaˈjtewa? Idxçxa ũsmeenega, namiku jiˈphnega txãa Jeuwaˈs wẽdxsayã, idxaˈs txaˈwẽyneta wẽdxi. Peçxkanamee yahkx Jeuwaçxa wala çxhãçxhasana, baaçxtewa puˈçxhina. ¿Wala ewsa yuhmanx txãw jiyute?...

MEEN DXUS EÇTE LEYWE:

  • 1 Reyes 19:3-18

  • Salmo 145:18

  • 1 Pedro 5:9