Ji'phna kxtee me'jwe

Me'jwe menu je'zte

Kxtee nyaafxte me'jwe

Jeuwa Kaaji'yusa

nasa yuwe

Kaapiyaˈjwe zxikweˈsxtxis

 PEˈLA 6

David çxhãçxhasaneyu

David çxhãçxhasaneyu

¿Ũukhçxa kĩhgayũu?... Ney weˈsxtxis puˈçxhkhan pẽyĩga. Nawa vxite puˈçxhwaˈjsa ũsna. Txãaçxa wejxkwe çxhãçxhasana. ¿Jiiga kimki?... Txãa Jeuwana. Txãasçxa pẽhywa jiˈphnega puˈçxhkan. David txãwne yũu. Txãa Jeuwate kreĩne, Davidyu piçthakxi çxhãçxhasaneyu. Txãjx yaahkxnisa Dxus eçte ũsna.

David leˈçxkwẽˈyna txãjx ney weˈsxa kaapiyan ũssuneta Jeuwaˈs wẽdxkhan. Txajĩiçxane ũukhuçmee. Txãa jiineyu Jeuwa puˈçxhyawatewa. David piisxatxis thegna ũste, ¡león jxũun ũˈjne teeçx piisxa! ¿Jiiga David kĩhkik yũu? Leon eˈste uˈjne khĩiçxa ikhne. Oso txaˈwẽy piisxaˈs jxũun uˈjne, David txaˈwẽy ikhne osoˈs. ¿Davidaˈs Kimkik puˈçxh çxhãçxhayũukaahn?... Weeçx weˈwgu, Jeuwaneyu.

Thegukha vxite eensu David wala çxhãçxhayũune. Filisteosweˈsxa israelitas yakh puiin ũste. Teeçx puiisa Goliatne yaseyu, ¡Goliat meh wala çxhãçxhasaneyu! Goliat pewsxikane israelitasweˈsxtxis, Jeuwaˈs txaˈwẽy. Soldadoweˈsxtxis naˈjĩne: “¡Kim adxyakh puiiwẽena!”. Txãayakh puiiya ũukhuneta. Nawa David wẽseˈjçxa Goliataˈs naˈjĩne: “¡Adxa puiin idx yakh! ¡Jeuwayu puˈçxhina knayyã!”. ¿Isa David çxhãçxhasayu yũu maak?... Txãa çxhãçxhasaneyu. ¿Eˈsu kĩhkik yũu?

David 5 kwetne fxiw, khĩiçxa puiiya uˈjne Goliat yakh. Goliata Davidaˈs thegçxa pewsxikane leˈçxkwete. David naˈjĩk: “Idxa espada yakh yuhnega, ¡nawa adxa Jeuwa yasete yuht!”. David wuuwune Goliat taˈsxte, kwetaˈs iisutte akhna çxhãçxha kaahne. Txãa kweta knenetene paˈj, ¡Goliat kiweka uunine wẽete! Filisteosweˈsx txãw uyçxa ũukhçxa wuuwuçxaneta ũph. ¡Txãa piçthakx David leˈçxkweçxawa knayne Goliataˈs! ¿Kĩh yũuçxakik knay?... Jeuwane puˈçxh, ¡txãa thaakwe çxhãçxhasana!

David çxhãçxhasaneyu txãayu jiineyu Jeuwa puˈçxhyawaˈjtewa

 ¿Txãa David yaakxinisa kĩhkik kaapiyaˈja?... Jeuwaçxa wejxkwe çxhãçxhasana. Txãasa maˈwẽn eensu ũukh yahkxçxa, naa weˈwnis kreĩ: Jeuwa idx namikuna puˈçxhya ãjaˈna çxhãçxha ũsya.

MEEN DXUS EÇTE LEYWE: