Ji'phna kxtee me'jwe

Me'jwe menu je'zte

Kxtee nyaafxte me'jwe

Jeuwa Kaaji'yusa

nasa yuwe

¿Kimweˈsx naa eensu Jeuwa wẽdxnis vxitna ũstxkx?

 FXIˈJNISA 4

¿Kĩh yũuçxa kxthaˈw kutxiˈj txãa Traduccion del Nuevo Mundo?

¿Kĩh yũuçxa kxthaˈw kutxiˈj txãa Traduccion del Nuevo Mundo?

Congo

Ruanda

Nyaafxithey txãa eç peˈla ĩisxsa yu símaco jĩne yu (años 1600-1800). Txãa eç uynisane yu Dxus yases jiˈphsana Salmo 69:31

Jeuwa Kaajiˈyusa nyaafxi kutxiˈjneta Dxus eçaˈs khĩiçxa txudeneta. Een skhẽwyãˈthe vxite peena Dxus eç kutxiˈjneta nasa thẽymee jiyukhan, “jxukaysa ewsaˈs jiyuçxa ewte neeyũuniˈsku jxthãasuˈ” (1 Timoteo 2:3, 4). 1950 añote, txajuˈ takhneta kutxiˈjya ingles yuwete, txãa peˈl peˈla kweˈsx Dxus eçte ãçxh yuwesu, txãa Traduccion del Nuevo Mundo, naa Dxus eçaˈs wala jxpaˈyahkx kutxiˈjneta 130 weˈwnisu jxthaakwe.

Dxus eç peejxneta yũu thẽymee jiyuwaˈjaˈs. Een skhẽwyãˈthe weˈwnisawa nesmeena, saˈ mazkwẽ Dxus eçwa fxiˈjni jiˈphna jiyunimeesa. Txãa eensu eç fxiˈjni ĩisxsa uyneta, txãa eç fxiˈjni ãhçxa ũsna Dxus eç nyaafxi fxiˈjniyakh. Txãa fxiˈjnisayakh wejxkwe jiyun uˈjneta, vxiteˈ yuwesu hebreo, arameo vxiteˈ griego txãa yuwesuneta Dxus eçaˈs fxiˈj.

Teeçx kutxiˈjwa peejxneyũu jaˈda txãa Dxus eçsaˈs piyawaˈj. Txaawẽˈsx Dxus eçaˈs kutxiˈjsa, kĩhwa txaawẽˈsx ũus yahkxnijuçxayũu fxiˈjya ãjaˈmeeyã Dxus eçaˈs, txaawẽˈsx nyaafxi Dxus eç fxiˈjsa txaˈwẽy fxiˈjneta. Nawa maii Dxus eçsu kĩhwa Jeuwa yaseˈs fxiˈjmeeneta.

Jxpeeˈjxnetkhaˈw Dxus eç peeykãhwaˈjaˈs txãa vxitsaˈs (2 Samuel 23:2). Kxtee Traduccion del Nuevo Mundo, Jeuwa yeseˈs kiˈkin 7.000 ãhtxi kiphneta, nyaafxi maˈwne fxiˈjni ũsuˈ txaˈwẽy, naa tasxte vxaak (Salmo 83:18). Naa Dxus eç kaseˈjne wala jxpaˈyahkx piyaniyãju, txãayuˈ wala ewna. Txãa Dxus ũus yahkxnis thẽymee piyawaˈjna. Txãa Dxus eç Traducción del Nuevo Mundo idx yuwesu jiˈphçxawa, jiˈphmeeçxawa, saˈ wala piˈkithaˈw eenisa piyaya (Josué 1:8; Salmo 1:2, 3).

  • Kweˈsxa Dxus eç uˈsesa kutxiˈjwa jxpeejxthaˈw ¿kĩh yũuçxa?

  • Dxus eçaˈs eenisa piyawa jiˈphnetkhaˈw ¿kĩh yũuçxa?