Ji'phna kxtee me'jwe

Me'jwe menu je'zte

Kxtee nyaafxte me'jwe

Jeuwa Kaaji'yusa

nasa yuwe

¿Kimweˈsx naa eensu Jeuwa wẽdxnis vxitna ũstxkx?

 FXIˈJNISA 16

¿Kĩhkxtx yũu thẽˈjsaweˈsx yakh selpiin puˈçxhsa?

¿Kĩhkxtx yũu thẽˈjsaweˈsx yakh selpiin puˈçxhsa?

Myanmar

Pdxiˈpte weˈwna ũssa

Pkhakheçxa kaseˈjya Dxus yuwes ptaˈsxya

Dxus jxkaahwaˈjaˈs weˈwni yatsu paduneta çehk ũskan

Dxus eçte ptaˈsxik thẽˈjsaweˈsx vxiteˈ selpiin puˈçxhsa pkhakheni Dxus yatsu: “dxuus yatte jxkaahsaweˈsx vxiteˈ kxtee mjĩi puˈçxsa” (Filipenses 1:1). Txaˈwẽy pkhakheni Dxus yatsu selpiisa ũsyã kũj yakhthẽˈjweˈsx. ¿Thẽˈjsaweˈsx selpii puˈçxhsa maˈw puˈçxhitxkx kweˈsxtxis?

Txaawẽˈsxa thẽˈjsaweˈsxtxis puˈçxhineta. Thẽˈjsaweˈsx yakh selpii puˈçxhsa wala ew ũus yahkxna puˈçxhineta, txaˈwẽy piçtakxweˈsx vxiteˈ thẽˈjsayã. Txaawẽˈsxa wala mjĩineta pkhakheni Dxus yatsu selpiinisu, txãa thẽˈjsaweˈsx Dxus yuwes ptaˈsxineta.

Kimewa jxukaneta vxitu. Maii thẽˈjsaweˈsx yakh selpii puˈçxhsa wala weeçxan, paˈkaneta nasa weˈsxaˈs pkhakheni Dxus yatsu kĩhte kaçxwatewa ptaˈsxineta. Vxiteweˈsxa çaam ksusuˈjnisuneta puˈçxhi, txaˈwẽy ptaˈsxineta kĩhsu Dxus yuwe ptaˈsxwatewa, txaˈwẽy eç jxuka dukheneta, txajuˈ txaˈwẽy puˈçxhineta Dxus jxkaahwaˈjaˈs weˈwni yatsu çehk ũskan, kĩh peejxtewa puˈçxhineta nasa thẽˈjkwetxis, txãw puˈçxhte wala ewna (1 Timoteo 3:13).

Txãa yakhthẽˈjweˈsx wala ew ũus yahkxneta. Thẽˈjsaweˈsx yakh selpii puˈçxhsa wala ew ũus yahkxteçxaa txhitxhiyã, kxtee nasa ksxaavxite weˈwnis kweˈstxis wala kçxhaçxhajana. Txaˈwẽy Dxus yuwes ptaˈsxya kaseˈjçxa wala kçxhãçxhajatx. Txaawẽˈsx mjĩinisa wala wẽt jaˈda puˈçxhna ũsyã (Efesios 4:16). Txaawẽˈsxwa eˈs yu thẽˈjsaweˈsx yũuyã ãjaˈyã.

  • Txãa thẽˈjsaweˈsx yakh selpiin puˈçxhsa ¿maˈwsatxkx?

  • ¿Kĩhkx yũu thẽˈjsaweˈsx yakh selpiin puˈçxhsa pkhakheni Dxus yatsu selpiisaˈs ew ũskan?